ރަށް ރަށުގައި ޓާފު ދަނޑު އެޅުމުގައި ކުރީ ސަރުކާރުން އިހުމާލު ވެފައިވާ ކަމަށާއި، އެކަން ކޮށްފައިވަނީ "އަމާ ބުނީތީ ފަރަށްދާ" އުސޫލުން ކަމަށް ޔޫތް އެންޑް ސްޕޯޓްސް މިނިސްޓަރ އަހުމަދު މަހްލޫފް ވިދާޅުވެއްޖެއެވެ.
މަހްލޫފް ވިދާޅުވީ ފަރުވާކުޑަކޮށް ދަނޑުތައް އެޅުމުގެ ނަތީޖާއަކަށްވީ ބޭނުން ނުކުރެވުމާއި އަލުން އެ މަސައްކަތް ކުރުން ކަމަށެވެ. ހުވަދު އަތޮޅު އުތުބުރިއަށް މިނިސްޓަރު މިހާރު ކުރައްވަމުން ގެންދަވާ ދަތުރުފުޅުގައި ގެމަނަފުށްޓަށް ވަޑައިގެން އެރަށުގައި އަޅާފައި އޮތް ޓާފު ދަނޑުގެ ހާލަތު މަހްލޫފް ބެއްލެވިއެވެ.
ދަނޑަށް ވަޑައިގެން ކުރެއްވި ޓުވީޓެއްގައި މަހްލޫފް ވިދާޅުވީ އެރަށުގައި ޓާފު ދަނޑު އަޅާފައި އޮތީ "އަމާ ބުނީތީ ފަރަށްދާ އުސޫލުން" ކަމަށެވެ. އަދި އެއީ ނިމިގެން ދިޔަ ސަރުކާރުން އެޅި ހުރިހާ ޓާފު ދަނޑުތަކުގެ ވެސް ހާލު ކަމަށް ވިދާޅުވިއެވެ.
GA. Gemanafushi turf dhanduves alhaafa othee “Amaa buneethee farah dhaa usoolun”. Mikahala kithanme dhandeh.
Alun mijehenee turf nagaa,veli alhaa uskoh bingadu harukoh turf alhan.
Dhaulathah ethah million rufiyaa ge gellun. pic.twitter.com/wxTLDFvA9K— Ahmed Mahloof (@AhmedMahloof) December 11, 2018
ރިޔާސީ ދެވަނަ ދައުރަކަށް ކުރީގެ ރައީސް ޔާމީން ކެމްޕޭނު ކުރައްވަމުން ގެންދެވިއިރު ގިނަ ރަށްތަކެއްގައި ޓާފު ދަނޑު އެޅުމުގެ މަސައްކަތް ފެއްޓެވިއެވެ. އެގޮތުން އައްޑޫ ސިޓީގައި ވެސް ދަނޑުތަކުގައި ޓާފު އެޅުމުގެ މަސައްކަތް ކުރައްވާނެ ކަމަށް ޔާމީންގެ ކެމްޕޭނު ޓީމު ތަކުން ބުނި ނަމަވެސް ކެމްޕޭނު ނިމި ދައުރު ހަމަވެގެން ދިޔައިރުވެސް އޭގެ އެއްވެސް މަސައްކަތެއް ކުރެވިފައެއް ނުވެއެވެ.