މާލޭގެ ރަސްރަނި ބަގީޗާގެ ނަން އަލުން "ސަލްޓަން ޕާކް"ގެ ނަމަށް ބަދަލުކުރުމާއި ގުޅޭގޮތުން މަޝްވަރާކުރުމަށް މާލޭ ސިޓީ ކައުންސިލުން ތާވަލްކޮށްފި އެވެ.
މިކަން ހާމަކޮށްފައި ވަނީ މާލޭގެ މޭޔަރ، ޝިފާ މުހައްމަދު މިއަދު ކުރެއްވި ޓްވީޓެއްގަ އެވެ.
Anna Angaaradhuvah council bahdhalvumah Sultan parkgenan alun dhiruvaa Rasrani Parkge nan badalkurumah thaaval kurani .@MaleCitymv @schamau @yumna_maumoon @ManadhooThoriq
— Shifa Mohammed🎈🇵🇸 (@SifaMohammed) December 13, 2018
އެ ޓްވީޓްގައި ޝިފާ ވިދާޅުވެފައި ވަނީ ސަލްޓަން ޕާކްގެ ނަން އަލުން ދިރުވާ، ރަސްރަނި ބަގީޗާގެ ނަން ބަދަލުކުރުމާއި ގުޅޭގޮތުން މަޝްވަރާކުރުމަށް އަންނަ އަންގާރަ ދުވަހަށް ކައުންސިލްގެ ބައްދަލުވުމެއް ތާވަލްކޮށްފައިވާ ކަމަށެވެ.
ސަލްޓަން ޕާކްގެ ނަން ރަސްރަނި ބަގީޗާ އަށް ބަދަލުކޮށް، ބޮޑެތި ބަދަލުތަކަކާއެކު އެތަން ހުޅުވާފައި ވަނީ ކުރީގެ ރައީސް އަބްދުﷲ ޔާމީންގެ ވެރިކަމުގައި މިދިޔަ އަހަރުގެ އޮގަސްޓް މަހުގެ ތެރޭގައެވެ. އެމްޓީސީސީ އާއި ހަވާލުކޮށްގެން ޕާކް ތަރައްޤީ ކުރުމުގެ މަސައްކަތް ފެށި ނަމަވެސް ފަހުން އެތަން ތައްޔާރު ކުރީ ދިވެހި ސިފައިންގެ މިންނެތް މަސައްކަތުންނެވެ.