އަންނަ އަހަރު ގްރޭޑް އެކެއްގައި ކިޔަވާ ހުރިހާ ދަރިވަރުންނަށް ރީޔޫސެބަލް ފެންފުޅި ބެހުމަށް ނިންމައިފި އެވެ.
މިކަން އިއުލާންކޮށްފައި ވަނީ އެންވަޔަރަމެންޓް މިނިސްޓްރީ އިން މިއަދު ކުރި ޓްވީޓެއްގަ އެވެ.
@EnvGovMv in collaboration w/ @EducationMV & @UNICEFMaldives will be providing reusable water bottles(BPA free)to every 1st grader of 2019 from all schools in Maldives.The aim is to reduce single-use plastics & plastic pollution.#SuperFenfulhi #StopSingleUsePlastic #SaafuRaajje
— Min. of Environment, Climate Change and Technology (@MoEnvmv) December 23, 2018
އެ ޓްވީޓްގައި އެންވަޔަރަމެންޓް މިނިސްޓްރީ އިން ބުނެފައި ވަނީ އެޑިއުކޭޝަން މިނިސްޓްރީ އާއި ޔުނިސެފް މޯލްޑިވްސް އާއި ގުޅިގެން އަންނަ އަހަރުގެ ދިވެހިރާއްޖޭގެ ހުރިހާ ސްކޫލްތަކެއްގައި ކިޔަވާ ގްރޭޑް އެކެއްގެ ދަރިވަރުންނަށް ހިލޭ ރީޔޫސެބަލް ފެންފުޅި ބެހުމަށް ނިންމާފައިވާ ކަމަށެވެ. މި ފެންފުޅިތަކަކީ ހަށިގަނޑަށް ގެއްލުންހުރި މާއްދާއެއް ކަމަށްވާ ބިސްފެނޯލް (ބީޕީއޭ) ބޭނުންނުކޮށް އުފައްދާފައިވާ ފެންފުޅިތަކެކެވެ.
އެންވަޔަރަމެންޓް މިނިސްޓްރީ އިން ބުނީ ރީޔޫސެބަލް ފެންފުޅި ބެހުމުގެ މަޤްސަދަކީ އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުންކުރާ މިންވަރު މަދުކުރުމާއި، ޕްލާސްޓިކް ޕޮލިއުޝަން މަދުރުކުން ކަމުގައެވެ.
އެ މިނިސްޓްރީ އިން މިފަދަ ޙަރަކާތެއް ކުރިއަށްގެންދިއުމަށް ނިންމާފައިވާއިރު، ދާދިފަހުން އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުންކުރުން ރައީސުލްޖުމްހޫރިއްޔާގެ އޮފީހުން ވެސް ވަނީ ހުއްޓާލާފައެވެ.