ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ރައްޔިތުންގެ މަޖިލީހުގެ މައްޗަނގޮޅި މެދު ދާއިރާއަށް ވާދަކުރެއްވުމަށް ނިންމައި ކެމްޕޭނު ކުރަމުން ދާއިރު އެމްޑީޕީގެ ޓުވިޓާ އެކައުންޓުން ނަޝީދުގެ ކެމްޕޭނު ކުރަމުންދާ ކަމަށް ބުނެ އެމްޑީޕީއަށް ފާޑުކިޔުންތައް އަމާޒުވާން ފަށައިފިއެވެ.
އަލަށް އުފެއްދި މައްޗަނގޮޅި މެދު ދާއިރާގެ ނަޝީދު ވާދަކުރައްވަން ނިންމެވިއިރު އެދާއިރާއަށް އެމްޑީޕީގެ ފަރާތުން އެހެން ބޭފުޅަކުވެސް ވަނީ ވާދަކުރައްވަން ނިންމަވާފައެވެ. ޕްރައިމަރީއެއް އެ ދާއިރާގައި ބޭއްވުމަށް ނިންމާފައިވާއިރު ދެބޭފުޅުންވެސް ކެމްޕޭނުކުރަމުންދެއެވެ. ނަމަވެސް އެމްޑީޕީން އެހެން ކެންޑިޑޭޓެއްގެ ކެމްޕޭނު ހަރަކާތްތައް ޓުވީޓުނުކޮށް، ނަޝީދުގެ ކެމްޕޭނު ހަރަކާތްތައް ޓުވީޓުކޮށް ޕްރޮމޯޓު ކުރާތީ ޕާޓީގެ ބައެއް މެމްބަރުން ވެސް ވަނީ ކަންބޮޑުވުން ފާޅުކޮށްފައެވެ.
Can MDP secretariat handle be used to promote Raees Nasheed campaign? @anedhivehirajje @MohamedNasheed
Varah unethical! https://t.co/h8u8Yu68pJ
— އަތް މަތި ބަރަކާތް (@SikkaMohoree) December 24, 2018
މަޖިލިސް އިންތިޚާބުގައި އެމްޑީޕީގެ ޓިކެޓު ހޯދުމަށް ބޭއްވޭ ޕްރައިމަރީތަކުގައި ވާދަކުރުމަށް ވަރަށް ގިނަ ކެންޑިޑޭޓުން ވަނީ ދާއިރާތަކުގައި ކެމްޕޭނުތައް ފަށާފައެވެ. އެގޮތުން މިހާރުވެސް ދާއިރާތައް ތަމްސީލު ކުރާ މެމްބަރުންނާއި އާ ކެންޑިޑޭޓުން ހިމެނެއެވެ.
އެއްވެސް ފަރާތަކަށް ޕާޓީގެ ރަސްމީ އިދާރާއަކުން ކެމްޕޭނު ކުރުމަކީ އަސާސްތަކަށް ކިލަނބުކަން އަންނާނެ ކަމަކަށްވާއިރު އެމްޑީޕީން ރައީސް ނަޝީދުގެ ކެމްޕޭނު ހަރަކާތްތައް ޕްރޮމޯޓުކޮށް ދައުވަތު އަރުވާތީ އެހެން ކެންޑިޑޭޓުންގެ ހައްގަށް އުނިކަމެއް ލިބިދާނެ ކަމަށް ބުނެ ބައެއް ފަރާތްތަކުން ވަނީ ނުރުހުން ފާޅުކޮށްފައެވެ.
Raees @MohamedNasheed baiverive vadaigannavaa event eh Muiveyomagu gai kuriah dhanee pic.twitter.com/fML5RIM22e
— MDP Secretariat (@MDPSecretariat) December 24, 2018
Raees @MohamedNasheed
Mahchangolhi Medhu Dhaairaage MDP membarun’aai badhalu kurevvun pic.twitter.com/5hVLxMhemB— MDP Secretariat (@MDPSecretariat) December 24, 2018