ކުރީގެ ރައީސް މުހައްމަދު ނަޝީދު މާލޭ ސިޓީ ކައުންސިލްގެ އިދާރާއަށް ޒިޔާރަތްކުރައްވައިފި އެވެ.
އެމަނިކުފާނު މިއަދު ސިޓީ ކައުންސިލް އިދާރާއަށް ކުރެއްވި ޒިޔާރަތުގައި ވަނީ މާލޭ ސިިޓީ ކައުންސިލަރުންނާއި ވެސް ބައްދަލުކުރައްވައި، މަޝްވަރާކުރައްވާފަ އެވެ. އެގޮތުން އެ ބައްދަލުވުމުގައި މާލެއަށް ދިމާވެފައިވާ އެކިއެކި މައްސަލަތަކަށް ހައްލު ހޯދުމަށް ކައުންސިލަށް ކުރެވިދާނެ ބައެއް ކަންކަމާއި ގުޅޭގޮތުން އެމަނިކުފާނު ވަނީ ޚިޔާލު ހުށަހަޅުއްވާފަ އެވެ.
Raees @MohamedNasheed, Male’City Council Idhaaraa ah ziyaaraiy kurahvaa, councillarun’aai bahdhalu kuravvaifi pic.twitter.com/okFumsmp5U
— MDP Secretariat (@MDPSecretariat) December 26, 2018
ރައީސް ނަޝީދު މިއަދު މާލޭ ސިޓީ ކައުންސިލާއި ބައްދަލުކުރެއްވިއިރު، ކައުންސިލްތައް ބާރުވެރިކުރުމުގައި ސަރުކާރުން އަބަދުވެސް ފުރިހަމަ އެއްބާރުލުން ދެއްވަމުން ގެންދަވާނެ ކަމަށް ރައީސް އިބްރާހިމް މުހައްމަދު ސޯލިހު ވަނީ މި ޙަފްތާގެ ތެރޭގައި ވިދާޅުވެފަ އެވެ.
އެގޮތުން ރައީސް ސޯލިހު، މާލޭ ސިޓީ ކައުންސިލާއެކު ބޭއްވި ބައްދަލުވުމެއްގައި، މާލެތެރެ ސާފުތާހިރުކޮށް ދެމެހެއްޓުމަށާއި، މާލެއަށް ބޮޑެތި ބަދަލުތަކެއް ގެނައުމަށް ވަރަށް ގިނަ ކަންކަން ރާވާފައިވާ ކަމުގައި ވިދާޅުވެ، އެކަންކަން ކުރިއަށް ގެންދިއުމުގައި ސަރުކާރުގެ އެއްބާރުލެއްވުން ބޭނުންވާނެކަން ކައުންސިލުން ވަނީ ފާހަގަކުރައްވާފަ އެވެ.