އައްޑޫ ސިޓީ ފޭދޫ ވޮލީބޯޅަ ކޯޓުގައި ކުރިއަށްދާ "ޖޯލިއަންސް މިކްސް ވޮލީބޯލް ޓޯނަމަންޓް"ގެ ހަވަނަ މެޗްގައި ޓީމް އަލްފެއިންއާއި ޓީމް ލިޓަސް ބައްދަލްކުރި މެޗް ޓީމް އަލްފެއިން ކާމިޔާބު ކޮށްފިއެވެ.
މިމެޗް ޝަރަފުވެރިކޮށްދެއްވީ ފެނަކަ ކޯޕަރޭޝަންގެ ޑެޕިއުޓީ ޑިރެކްޓަރ މުހައްމަދު މުއުމިން އަދި ފޭދޫ ހެލްތް ސެންޓަރ ހިންގެވުމާއި ހަވާލުވެހުންނެވި ސީނިއަރ އެޑްމިން އޮފިސަރ ޒިލީނާ ޒާހިރެވެ.
މިފޯރިގަދަ މެޗްގެ އެންމެ މޮޅު ފިރިހެން ކުޅުންތެރިއަކަށް ހޮވިފައިވަނީ ޓީމް އަލްފެއިންގެ ޖާޒީ ނަމްބަރު 9 އިބްރާހީމް މޫނިސް އެވެ.
އަދި މެޗްގެ އެންމެ މޮޅު އަންހެން ކުޅުންތެރިއަކަށް ހޮވިފައިވަނީ ޓީމް ލިޓަސްގެ ޖާޒީ ނަމްބަރު 7 ފާތިމަތު ނުސްރާއެވެ.
