އަނިޔާވެރި ގޮތަކަށް މަރާލެވިފައިވާ ދެ ފަރާތަކާއި އަދި ގެއްލުވާލާފައިވާ ފަރާތެއްގެ މައުލޫމާތު ހިއްސާކޮށްދިނުމަށް، މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަހުޤީޤްކުރާ ކޮމިޝަނުން އާންމު ރައްޔިތުންގެ ކިބައިން އެދިއްޖެ އެވެ.
މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަހުޤީޤްކުރާ ކޮމިޝަން އުފައްދަވާފައިވަނީ ރައީސް އިބްރާހިމް މުހައްމަދު ސޯލިހް، މަޤާމްގެ ހުވާކުރެއްވި ދުވަހު އެވެ.
އެ ކޮމިޝަނުން ކޮށްފައިވާ ޓްވީޓެއްގައި ބުނެފައިވަނީ ރައްޔިތުންގެ މަޖިލީހުގެ ކުރީގެ މެމްބަރު ޑރ. އަފްރާޝީމް އަލީ އާއި، ބްލޮގަރ ޔަމިން ރަޝީދުގެ އިތުރުން ގެއްލުވާލާފައިވާ ނޫސްވެރިޔާއާއި ގުޅޭ އެއްވެސް މައުލޫމާތެއް ދިނުމަށް ބޭނުންވާ ފަރާތެއްވާ ކަމުގައިވާނަމަ އެ މައުލޫމާތެއް ހިއްސާކޮށް ދިނުމަށް އެދޭކަމަށެވެ. އެގޮތުން ކޮމިޝަނަށް ބޭނުންކުރެވިދާނެ ފަދަ އެއްވެސް މައުލޫމާތެއްވާކަމުގައިވާނަމަ ޓުވިޓާގެ ޑައިރެކްޓް މެސެޖް މެދުވެރިކޮށް ނުވަތަ އީމެއިލްކޮށްދިނުމަށް ކޮމިޝަނުން އެދިފައިވެއެވެ.
Afraasheem, Rilwan adhi Yameen Rasheed ge case thakuga commission ah beynun hifeyne hen heevaa evves mauloomaatheh dheyn beynunvaa meehaku hurinama DM koh dhevvun edhen nuvatha info@cdd.gov.mv ah email kohdhevvun edhen.
— Commission on Disappearances and Deaths (@DdcomMdv) December 27, 2018
ކޮމިޝަނުން ކޮށްޕައިވާ ޓްވީޓާއި ގުޅިގެން އާންމު ފަރާތަކުން ވަނީ ޑރ. އަފްރާޝީމް، ޔާމީން އަދި ރިޟްވާންގެ މަރުގެ ތުހުމަތު ތަކަކީ މި ރާއްޖޭގެ ސިޔާސީ ނުފޫޒުގަދަ މީހުންނާއި ހަމައިން ދައުލަތުގެ މުއައްސަސާތަކަށް ބޭނުން ކުރެވިގެން ހިންގާފައިވާ ޖަރީމާއެއް ކަމަށާއި ކޮމިޝަނަށް ހިއްސާކުރާ މައުލޫމާތު ދޭ ފަރާތްތަކަށް އޮތީ ކިހާވަރެއްގެ ރައްކަލެއްތޯ ސުވާލު ކޮށްފައެވެ.
އާންމު ފަރާތަކުން ކޮށްފައިވާ މި ޓްވީޓަށް ޖަވާބުދާރީވުމުގެ ގޮތުން ކޮމިޝަނުން ކުރެއްވި ޓްވީޓްގައި ވަނީ ކޮންމެ މައުލޫމާތެއް ހިއްސާކުރި ކަމުގައިވީ ނަމަވެސް، މައުލޫމާތު ހިއްސާކުރި މީހެއްގެ ވަނަވަރު ކޮމިޝަނުން ސިއްރުކޮށްދޭނެ ކަމަށެވެ. އަދި އެފަރާތަކަށް ދޭންޖެހޭ ރައްކާތެރިކަން ދޭނެކަމުގެ ޔަޤީންކަންދޭ ކަމަށްވެސް ކޮމިޝަނުން ބުނެފައިވެއެވެ. އަދި މައުލޫމާތު ހިއްސާކުރާއިރު، އެ މީހަކު ކާކުކަން ނޭނގޭގޮތަށް ހިއްސާކޮށްދިނުމަށް ބަރުއަޅާކަމަށްވެސް ކޮމިޝަނުން ބުނެފައިވެއެވެ.
Efaraaiy thakuge identity sirrukoh furihama salaamathaa rakkaatherikan dheveyne. DM koh fonuvaa mauloomaathu fonuvanee/dhenee kaakukan neyngey gothah fonuvvumah baaru alhan. https://t.co/jfrshIDnhP
— Commission on Disappearances and Deaths (@DdcomMdv) December 27, 2018