"ރެޑިކަލް ޕާޓީ" ގެ ނަމުގައި އާ ސިޔާސީ ޕާޓީއެއް އުފެއްދުމަށް އިލެކްޝަންސް ކޮމިޝަނުން ހުއްދަ ދިނުމާއި ގުޅިގެން ޑިފެންސް މިނިސްޓަރ މާރިޔާ އަހްމަދު ދީދީ ކަންބޮޑުވުން ފާޅުކުރައްވައިފި އެވެ.
ބުރާސްފަތި ދުވަހު ކުރެއްވި ޓްވީޓެއްގައި މާރިޔާ ވިދާޅުވެފައި ވަނީ "އާބަން ޑިކްޝަނަރީ"ގައި ބުނެފައިވާ ގޮތުން "ރެޑިކަލް" އަކީ ހައްދުފަހަނަޅާފައިވާ ވިސްނުން ގެންގުޅޭ މީހުންނަށް ކިޔާ ނަމެއް ކަމަށެވެ. އަދި އަބަދުވެސް އަޅުގަނޑުމެންނަށް ދަސްކޮށްދީފައި ވަނީ "މެދު މިންވަރީ ހެޔޮ މިންވަރު" ކަމަށެވެ.
The @ElectionsMv permits a political party to be named “Radical Party”.
“A radical is someone who has very extreme views..” Urban Dictionary.
We were taught, “medhu minvaree, heyo minvarey..” Wonder what extreme views this Party would advocate? https://t.co/prve9Zr9rw— Mariya Didi 🎈 (@MariyaDidi) December 28, 2018
އެހެންކަމުން ރެޑިކަލް ޕާޓީ އިން ތަމްސީލްކުރާނީ ކޮންކަހަލަ ވިސްނުމެއް ކަމާއިމެދު މާރިޔާ ވަނީ ސުވާލު އުފައްދަވާފައެވެ.
ރެޑިކަލް ޕާޓީ އުފެއްދުމުގެ ހުއްދަ އީސީ އިން ދީފައި ވަނީ މިދިޔަ ބުރާސްފަތި ދުވަހު އެވެ. ނަމަވެސް މި ޕާޓީ އުފެއްދުމަށް ހުށަހެޅީ ކޮން ފަރާތަކުން ކަމެއް އީސީ އިން ބުނެފައެއް ނުވެއެވެ.