އިލެކްޝަންސް ކޮމިޝަން (އީސީ)ގެ ލޯގޯ ބަދަލުކުރުމާއި ގުޅޭގޮތުން މަޝްވަރާކުރަން ފަށައިފި އެވެ.
އީސީގެ މެމްބަރު އަދި ތަރުޖަމާނު އަހްމަދު އަކްރަމް މިއަދު ކުރެއްވި ޓްވީޓެއްގައި ވަނީ އީސީގެ ލޯގޯ އަށް ބަދަލު ގެންނަން ޖެހޭ ކަމަށް އާއްމުންނަށް ފެނިވަޑައިގަންނަވާތޯ ސުވާލުކުރައްވާފަ އެވެ.
Mi logo ah badhalugennan jehey kamah feneytho?
Alhugandu dhekey gothugai Election commission ge logo ah ithuru furihama kameh gennanjehey. pic.twitter.com/duR0fNhaFd— Ahmed Akram (@akram4535) December 29, 2018
އަދި އިލެކްޝަންސް ކޮމިޝަންގެ ލޯގޯ އަށް އިތުރު ފުރިހަމަ ކަމެއް ގެންނަން ޖެހޭ ކަމަށް ދެކެވަޑައިގަންނަވާ ކަމަށްވެސް އެ ޓްވީޓްގައި އަކްރަމް ވިދާޅުވި އެވެ.
އަކްރަމްގެ ޓްވީޓަށް ޖަވާބު ދެއްވި ބައެއް މީހުން ބުނީ ލޯގޯ އާއި ކުލަ ވެސް ބަދަލުކުރަން ފެންނަ ކަމަށެވެ.
އެގޮތުން އެ ޓްވީޓަށް ރައްދު ދެއްވި އެއް ފަރާތަކުން ބުނެފައި ވަނީ ލޯގޯ ބަދަލުކުރަން ޖެހޭ ކަމަށާއި، މިހާރު ހުރި ލޯގޯ އިން ހީވަނީ ވޯޓު ފޮށި މަތީގައި މީހަކު އަތް އަޅަން ނުވަތަ ވޯޓުލުން މަނާކުރަން އުޅޭހެން ކަމަށެވެ.
Badhalu kuran jehey. Vote foshi matheega meehaku aiy alhan nuvatha vote lun manaakuran ulheyhen heevanee.
— Miuvan (@Miuvaan) December 29, 2018
އީސީގެ ލޯގޯ ބަދަލުކުރުމާއި ގުޅޭގޮތުން އެ ކޮމިޝަންގެ މެމްބަރުން މަޝްވަރާ ކުރަމުން އަންނަ ކަމަށާއި، އެމަސައްކަތް ވަރަށް އަވަހަށް ނިންމަވާނެ ކަމަށްވެސް އަކްރަމް ވަނީ ވިދާޅުވެފަ އެވެ.