މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ ސަދަން އޭރިއާގެ ކޮމާންޑަރުގެ މަޤާމަށް ކާނަލް އިބްރާހިމް ރަޝީދު ހަމަޖައްސަވައިފިއެވެ.
އެމްއެންޑީއެފް އިން ކުރި ޓްވީޓެއްގައި ބުނެފައި ވަނީ ކާނަލް ރަޝީދު، އެ މަޤާމާއި މިއަދު ހަވާލުވެވަޑައިގެންފައިވާ ކަމަށެވެ.
MNDF Southern Area Commander ge Magaamah Hamajehsevi Colonel Ibrahim Rasheed, MNDF Southern Area Commander ge Magaamaai Havaaluvevadiagannavaifi pic.twitter.com/67MwWfN9OW
— Maldives National Defence Force (@MNDF_Official) January 7, 2019
ކާނަލް އިބްރާހިމް ރަޝީދު މިހާތަނަށް ހުންނެވީ ޕްރެޒިޑެންޝަލް ކާޑުގެ ކޮމާންޑިންގ އޮފިސަރުގެ މަޤާމުގައެވެ. އެ މަޤާމާށް ވަނީ މިހާރު ފަޔާ އެންޑް ރެސްކިއުގެ ކޮމާންޑަރު ކާނަލް އަބްދުﷲ ޒުހުރީ ބަދަލުކޮށްފަ އެވެ. އަދި އެމްއެންޑީއެފް ސަދަން އޭރިއާގެ ކޮމާންޑަރުގެ މަޤާމުގައި މިހާތަނަށް ހުންނެވި ކާނަލް އަބްދުﷲ އިބްރާހިމް ވަނީ މިހާރު އެމްއެންޑީއެފް ފަޔަރ އެންޑް ރެސްކިއު ސަރވިސްގެ ކޮމާންޑިންގ އޮފިސަރުގެ މަޤާމަށް ބަދަލުކޮށްފައެވެ.