ސޯޝަލް މީޑިއާގައި އިންޒާރުދޭ ގޮތަށް ލިޔެފައި ހުންނަ ލިޔުންތައް ފުލުހުން ތަހުޤީޤުކުރަން ފަށައިފި އެވެ.
މިކަން ހާމަކޮށްފައި ވަނީ ފުލުހުންގެ ރަސްމީ ޓްވީޓާ އެކައުންޓް މެދުވެރިކޮށް މިރޭ ކޮށްފައިވާ ޓްވީޓެއްގަ އެވެ.
We have observed a string of hate speech and threats ensuing from recent conversations on some social media platforms. While we investigate these, we urge both sides of the conversation to refrain from making derogatory remarks, especially threats to persons.
— Maldives Police (@PoliceMv) January 7, 2019
އެ ޓްވީޓްގައި ބުނެފައި ވަނީ ބައެއް ސޯޝަލް މީޑިއާ ޕްލެޓްފޯމްތަކުގައި ނަފްރަތާއި، އިންޒާރުދޭ ފަދަ ގޮތަކަށް ގިނަ ލިޔުންތައް ހުންނަކަން ފާހަގަކުރެވިފައިވާ ކަމަށެވެ. އެހެންކަމުން، އެ މައްސަލަތައް ތަހުޤީޤުކުރަމުންދާއިރު، ވާހަކަ ދެކެވޭ ދެ ފަރާތުން ވެސް ނަފްރަތު އުފެދޭފަދަ ވާހަކަތައް، އަދި ޚާއްސަކޮށް އިންޒާރު ދިނުންފަދަ ކަންތައްތަކުން ދުރުހެލިވުމަށް ފުލުހުން ވަނީ އެދިފައެވެ.
ފޭސްބުކް އަދި ޓްވިޓާފަދަ ސޯޝަލް މީޑިއާ ޕްލެޓްފޯމްތަކުގައި އެކި ފަރާތްތަކަށް ނިސްބަތްކޮށް، ހަޑި ހުތުރު ބަހުން އެއްޗެހި ލިޔެފައި ހުންނަތަން ވަރަށް ގިނައިން ފެނެއެވެ. ރައްޔިތުންގެ މަޖިލީހުގެ އިންތިޚާބަށް ކުޑަތަންވެފައިވާއިރު، އެފަދަ ބޭއަދަބީ ލިޔުންތަކަކީ ސޯޝަލް މީޑިއާގައި ވަރަށް އާންމުވެފައިވާ ލިޔުންތަކެކެވެ.