ރޭ މާލޭގައި 17 އަހަރުގެ ކުއްޖަކަށް ހަމަލާދީ ހިންގި މާރާމާރީއާ ގުޅިގެން މީހަކު ހައްޔަރުކޮށްފިއެވެ.
ފުލުހުންނާ ހަވާލާދީ މީޑިޔާތަކުގައި ރިޕޯޓުކޮށްފައިވާ ގޮތުގައި، ހައްޔަރުކޮށްފައިވަނީ 21 އަހަރުގެ ފިރިހެނެކެވެ. ރޭ ކާނިވާ ސަރަހައްދުގައި ހިންގި މިމާރާމާރީގައި އަނިޔާވި ކުއްޖާއަށް އޭޑީކޭ ހޮސްޕިޓަލުގައި ވަނީ ފަރުވާ ދީފައެވެ.
ގޭންގު މާރާމާރީ ހުއްޓުވުމާއި ކުށް މަދުކުރުމަށް ރައީސް އިބްރާހިމް މުހައްމަދު ސޯލިހްގެ ސަރުކާރުން ވަނީ ނެއިބަހުޑް ވޮޗް ގާއިމްކޮށް، ގޭންގުތައް ހަރަކާތްތެރިވާ ކަމަށް ތުހުމަތު ކުރެވޭ ހިސާބުތަކުގައި ފުލުހުންގެ ހަރަކާތްތައް އިތުރުކޮށް ސެކިއުރިޓީ ވަރުގަދަ ކޮށްފައެވެ.