2015 ވަނަ އަހަރު އިދިކޮޅު ފަރާތްތަކުން ބޭއްވި މޭޑޭ މުޒާހަރާގައި ބައިވެރިވެ، މާރާމާރީ ހިންގިކަމުގެ ކުށް ސާބިތުވެ ޖަލަށް ލުމަށް ހުކުމް ކުރުމަށްފަހު ހުކުމް ތަންފީޒު ކުރަމުން ދަނިކޮށް މަރުވި ގ. ކީމާ، އަބްދުﷲ ރަޝީދުގެ މަރުގެ ތަހުގީގު ނިންމައި ދައުވާކުރަން ފޮނުވަން ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް) އިން ނިންމައިފިއެވެ.
އެޗްއާރްސީއެމުން މިއަދު ބުނީ އަބްދުﷲ ރަޝީދުގެ މަރުގެ މައްސަލާގައި ދައުވާކޮށްދިނުމަށް އެދިފައިވާނީ އެކޮމިޝަނުގެ ތަހުގީގަށް ރިއާޔަތް ކުރުމަށްފަހު ކަމަށެވެ. ނަމަވެސް އެކަމާ ގުޅޭ އިތުރު ތަފްސީލެއް އެ ކޮމިޝަނުން ހާމަކޮށްފައެއް ނުވެއެވެ.
ކ. މާފުށީ ޖަލުގައި ހުކުމް ތަންފީޒުކުރަމުން ދަނިކޮށް 2017 އޮކްޓޫބަރު 10 ގައި ނިޔައުވެފައިވާ އަލްމަރްޙޫމް އަބްދުﷲ ރަޝީދު މުޙައްމަދުގެ މަރުގެ މައްސަލައިގައި ކޮމިޝަނުގެ ތަހުޤީޤަށް ރިޢާޔަތްކޮށް ދައުވާކޮށްދިނުމަށްއެދި ޕްރޮސިކިއުޓަރ ޖެނެރަލްގެ އޮފީހަށް ފޮނުވުމަށް
— HRC of the Maldives (@hrcmv) February 4, 2019
އަބްދުﷲ ރަޝީދު މަރުވެފައިވަނީ 2017 ވަނަ އަހަރުގެ އޮކްޓޯބަރު މަހުގެ 10 ވަނަ ދުވަހު އައިޖީއެމްއެޗްގައި އެޑްމިޓްކޮށް ފަރުވާ ދެމުން ދަނިކޮށެވެ. އަބްދުﷲގެ އާއިލާއިން ވަނީ މިކަމުގައި މޯލްޑިވްސް ކަރެކްޝަނަލް ސާވިސްގެ އޮފިސަރުން ވަރަށް ބޮޑަށް އިހުމާލުވެފައިވާ ކަމަށް ތުހުމަތުކޮށްފައެވެ.
އަބްދުﷲ ރަޝީދުގެ މަރުގެ މައްސަލަ، ރައީސް އިބްރާހިމް މުހައްމަދު ސޯލިހު އުފެއްދެވި މަރުތަކާ ބެހޭ މައްސަލަތައް ބެލުމަށް އެކުލަވާލި ކޮމިޝަނުން އަންނަނީ ބަލަމުންނެވެ.