މާލެ ސަރަހައްދުގެ ސްކޫލްތައް އެއް ދަންފަޅިއަށް ބަދަލު ކުރުމަށް އިތުރު 10 ސްކޫލް އަޅަން ނިންމާފައިވާކަމަށް ވިދާޅުނުވާކަމަށް އެޑިއުކޭޝަން މިނިސްޓަރ ޑރ. އައިޝަތު އަލީ ވިދާޅުވެއްޖެއެވެ.
މިނިސްޓަރ އައިޝަތު އަލީ މިއަދު ކުރެއްވި ޓްވީޓެއްގައި ވިދާޅުވީ ރާއްޖޭގެ ސްކޫލުތައް އެއްދަންފަޅިއަށް ބަދަލުކުރުމަށް ހެދި ރިޕޯޓު ނެރުމަށް ރޭ މުހްޔިއްދީން ސްކޫލުގައި ބޭއްވި ރަސްމިއްޔާތުގައި ވިދާޅުވީ މިނިސްޓްރީން މާލެ ސަރަހައްދުގައި އިތުރު ސްކޫލް އެޅުމަށް ނިންމިކަމަށް ނޫން ކަމަށާއި އެއް ދަންފަޅިއަށް ސްކޫލްތައް ބަދަލު ކުރުމަށް ކުރި ދިރާސާގައި އެގޮތަށް ފާހަގަކޮށްފައިވާ ކަމަށެވެ.
Alhugandumen dhennevee Male' sarahadhhugai ithuru 10 school alhan nimmi vaahakaehnoon. Egothah audit in dhekki vaahaka. Dhiraasaathakun dhakkaa gothugai school eh furihama gothugai hingumah school size 800 -1000 gai bahattan jehey (2/2)
— Aishath Ali (@aisthly) February 12, 2019
"އަޅުގަނޑުމެން ދެންނެވީ މާލެ ސަރަހައްދުގައި އިތުރު 10 ސްކޫލު އަޅަން ނިންމި ވާހަކައެއްނޫން. އެގޮތަށް އޮޑިޓުން ދެއްކި ވާހަކަ. ދިރާސާތަކުން ދައްކާގޮތުގައި ސްކޫލެއް ފުރިހަމަގޮތުގައި ހިންގުމަށް ސްކޫލު ސައިޒު 800-1000 ގައި ބަހައްޓަން ޖެހޭ،"
މިނިސްޓަރ ވިދާޅުވީ އޮޑިޓް ރިޕޯޓުގައި ސްކޫލްތަކުގެ ކްލާސް ރޫމާއި، ވަސީލަތް ހުންނަންޖެހޭ މިންވަރު ބަޔާންކޮށްފައިވާ އިރު އެކަން ފުރިހަމަ ކުރެވޭނީ އިތުރު 10 ސްކޫލް އިމާރާތްކޮށްގެން ފާހަގަކޮށްފައިވާ ކަމަށެވެ.
މާލެ ސަރަހައްދުގައި އިތުރު 10 ސްކޫލް އަޅަން ނިންމާފައިވާކަމަށް މިނިސްޓަރު އައިޝަތު އަލީ އާއި ހަވާލާދީ މީޑިއާތަކުން ރިޕޯޓު ކުރުމާއި ގުޅިގެން ގިނަ ބަޔަކު ދަނީ ސަރުކާރަށާއި، މިނިސްޓަރ އަށް ވަރަށް ބޮޑަށް ފާޑު ކިޔަމުންނެވެ.