ކުރީގެ ރައީސް އަބްދުﷲ ޔާމީންގެ އެކައުންޓު ފްރީޒު ކުރި މައްސަލައިގެ ޝަރީއަތުގެ އަޑުއެހުން މާދަމާ މެންދުރު ހައިކޯޓުގައި ފަށަަން ތާވަލްކޮށްފިއެވެ.
ޔާމީންގެ އެކައުންޓު ފްރީޒު ކޮށްފައިވަނީ އެމްއެމްޕީއާރުސީގެ ފައިސާގެ މުއާމަލާތް ހިންގި އެސްއޯއެފްއިން އެމަނިކުފާންގެ އަމިއްލަ އެކައުންޓަށް 1 މިލިއަން ޑޮލަރު ޖަމާކޮށްފައިވާ މައްސަލައިގެ ތަހްގީގަށް ފުލުހުން އެދިގެންނެވެ. މި މައްސަލަ ހައިކޯޓުގައި އިސްތިއުނާފު ކުރައްވާފައިވަނީ ރައީސް ޔާމީންގެ ފަރާތްޕުޅުންނެވެ.
ޔާމީންގެ މައްޗަށް މަނީ ލޯންޑްރިން ހިންގި މަކުގެ ތުހުމަތުކޮށް ޕީޖީން ވަނީ މައްސަލަ ކްރިމިނަލް ކޯޓަށް ފޮނުވާފައެވެ.