އިންސާފު ގާއިމު ކުރެވޭނީ އެމްއެމްޕީއާރުސީގެ މައްސަލަ ތަހުގީގުކޮށް އަދި ބަޣާވާތްކުރި ފަރާތްތަކަށް ހައްގު އަދަބު ދެވިގެން ކަމަށް ތިމަރަފުށީ ދާއިރާގެ ރައްޔިތުންގެ މަޖިލިސް މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވެފައިވަނީ މިއަދު ކުރެއްވި ޓްވީޓެއްގައެވެ.
Insaafu qaaim kureveynee MMPRC ge corruption massala thahqeeq koh adhi Bagaavaaiy kuri faraiythakah haggu adhabu dhevigen.
— Mohamed Musthafa (@Thimarafushi) March 17, 2019
"އިންސާފު ގާއިމު ކުރެވޭނީ އެމްއެމްޕީއާރުސީގެ މައްސަލަ ތަހުގީގުކޮށް އަދި ބަޣާވާތްކުރި ފަރާތްތަކަށް ހައްގު އަދަބު ދެވިގެން" މުސްތަފާ ވިދާޅުވިއެެވެ.
އިތުރު ޓްވީޓެއްގައި މުސްތަފާވަނީ 2012ވަނަ އަހަރު މި ގައުމުގައި ބަޣާވާތްކުރި މީހުންގެ ތަހުގީގުކޮށް ޝަރީޢަތް ނުހިންގައިފިނަމަ އެ ބަޣާވާތް ތަކުރާރު ކުރާނެކަން ކަށަވަރު ކަމަށް ވިދާޅުވެފައެވެ.
Mi gaumuga 2012 ga Bagaavaaiy kuri meehuge thahugeegu koh shareeaiy nuhingaifi nama ebaghaavaiy thakuraaru kuraane kan kashavaru! Annan oiy jeel salaamaiy kurumahtakaa Mee kurun muhinmu kameh!
— Mohamed Musthafa (@Thimarafushi) March 17, 2019
"މިގައުމުގަ 2012 ގަ ބަޣާވާތްކުރި މީހުންގެ ތަހުގީގުކޮށް ޝަރީޢަތް ނުހިންގައިފިނަމަ އެ ބާޣާވާތް ތަކުރާރު ކުރާނެކަން ކަށަވަރު! އަންނަން އޮތް ޖީލު ސަލާމަތް ކުރުމަށްޓަކާ މިއީ ކުރުން މުހިއްމު ކަމެއް" މުސްތަފާ ވިދާޅުވިއެވެ.
އެމްއެމްޕީއާރުސީގެ މައްސަލައަކީ ރާއްޖޭގައި މިހާތަނަށް ފާހަގަކުރެވުނު އެންމެ ބޮޑު ކޮރަޕްޝަންގެ މައްސަލައެެވެ. އެ މައްސަލަ ތަހުގީގުކޮށް ކުށްވެރިވާ ފަރާތްތަކާއިމެދު ފިޔަވަޅު އެޅުމަށް އެކި ފަރާތްތަކުން ތަކުރާރުކޮށް ދަނީ ސަރުކާރަށް ގޮވާލަމުންނެވެ.