އައްޑޫގެ ތަރައްޤީ އަށް މަސައްކަތް ކުރާ ޖަމިއްޔާއެއް ކަމަށްވާ "ޑިވެލޮޕް އައްޑޫ" ގެ ފަރާތުން ހެލްތު މިނިސްޓްރީން އިއްޔެ ކުރިއަށް ގެންދިޔަ ޓްރަސްޓް ފަންޑަށް އެހީތެރިވުމުގެ ގޮތުން ހުޅުމީދޫ ސިއްޙީ މަރުކަޒަށް 4 ކޮމްޕިއުޓަރު ސިސްޓަމް ހަދިޔާކޮށްފި އެވެ.
ހުޅުމީދޫ ސިއްޚީ މަރުކަޒުގައި އިއްޔެ ބޭއްވި ރަސްމިއްޔާތެއްގައި ތަކެތި ހަވާލްކޮށްދެއްވީ ޑިވެލޮޕް އައްޑޫގެ ފަރާތުން އަބްދުﷲ ސޯލިހް އެވެ.
ޑިވެލޮޕް އައްޑޫ ޖަމިއްޔާގެ ފަރާތުން ބުނީ ހުޅުމީދޫ ސިއްޙީ މަރުކަޒަށް އެ ޖަމިއްޔާއިން ހަދިޔާ ކުރި 4 ކޮމްޕިއުޓަރަކީ އެތަނުގެ ކޮމްޕިއުޓަށް ނެޓްވާކެއް ގާއިމް ކުރުމަށް އެހީއަކަށް ދިން ސާމާން ކަމަށެވެ. އަދި މުސްތަގްބަލްގައި މިފަދަ އިތުރު އެހީތައް ވެދެއްވާނެ ކަމަށް އެޖަމިއްޔާ އިން ބުންޏެވެ.