ރައްޔިތުންގެ މަޖިލީހުގެ އިންތިޚާބުގައި މައްޗަނގޮޅި އުތުރު ދާއިރާގެ ވަގުތީ ނަތީޖާއިން އެމްޑީޕީގެ ކެންޑިޑޭޓް މުހައްމަދު ރަޝީދު(ބޯދިގު) ކުރި ހޯއްދެވުމުން، ދާއިރާއަށް އަމިއްލަ ގޮތުން ވާދަކުރެއްވި ކުރީގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫން އޭނާއަށް މަރުހަބާ ދަންނަވައިފިއެވެ.
Called MP-elect @boadhigu n congratulated him on winning the Ma. Uthuru seat. I thank all fellow citizens who voted for me and my wonderful team for their excellent efforts
— faris 🇲🇻 (@afarismaumoon) April 6, 2019
ނަތީޖާ ގުނާ ނިމި ބޯދިގު ރަޝީދު ކުރި ހޯއްދަވައި ފަރަގު ބޮޑު ކުރުމުން ފާރިސް ވަނީ އިންތިޚާބުން ބަލިވެވަޑައިގެންފައިވާ ކަމަށް ވިދާޅުވެ ރަޝީދަށް މަރުހަބާ ދަންނަވައި، ވޯޓު ދެއްވި ހުރިހާ ރައްޔިތުންނަށް ޝުކުރު އަދާ ކުރައްވާފައެވެ.
ރައީސް މައުމޫންގެ ތާއީދާއެކު މާލެ ގަލޮޅު ދެކުނު ދާއިރާއަށް ވާދަކުރެއްވި އާމިނަތު ނާދިރާވެސް ވަނީ، އެމްޑީޕީގެ ކެންޑިޑޭޓް މީކާއިލް އަހުމަދު ނަސީމާ ވާދަކުރައްވައި ނާކާމިޔާބީއާ ކުރިމަތިވެވަޑައިގެންފައެވެ. ނަމަވެސް ރައީސް މައުމޫންގެ ހަނގު ދަރިކަލުން، ޣައްސާން މައުމޫން ވަނީ ގުރައިދޫ ދާއިރާގެ ގޮނޑި ކާމިޔާބު ކުރައްވާފައެވެ.