ރައީސް ނަޝީދު އެއީ 21 ވަނަ ގަރުނުގެ "މުހައްމަދު ތަކުރުފާނު" ކަމަށާއި ބަޔަކު ރުހުނަސް އަދި ނުރުހުނަސް އެއީ ހަގީގަތް ކަމަށް ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވެފައިވަނީ އެ ބޭފުޅާ ކުރެއްވި ޓްވީޓެއްގައެވެ.
Raees Nasheed e ee 21 vana Garunuge “Mohamed Thakurufaanu” Ruhunas nuruhunas hageegathuge kurimathee ga inkaareh nukureveyne! pic.twitter.com/FDuvxw1UVH
— Mohamed Musthafa (@Thimarafushi) April 22, 2019
"ރައީސް ނަޝީދު އެއީ 21 ވަނަ ގަރުނުގެ "މުހައްމަދު ތަކުރުފާނު". ރުހުނަސް ނުރުހުނަސް ހަގީގަތުގެ ކުރިމަތީގަ އިންކާރެއް ނުކުރެވޭނެ." މުސްތަފާ ވިދާޅުވިއެވެ.
މެމްބަރުންނަަށް ގިނަ ޚިދުމަތްތަކެއް ހޯދުމަށް މަޖިލީހަށް ބިލެއް ހުށަހެޅި ވާހަކަ ވެގެން ދިޔައީ ގިނަ ބައެއްގެ ފާޑުކިޔުންތަކެއް އަމާޒުވެގެން ދިޔަ ވާހަކައަކަށެވެ. މިކަމަށް އިޝާރާތް ކުރައްވާ ވެސް މުސްތަފާ ވަނީ ޓްވީޓް ކުރައްވާފައެވެ.
އެގޮތުން އެކަމާއި ގުޅިގެން ކުރެއްވި ފުރަތަމަ ޓްވީޓްގައި ވަނީ ވީއައިޕީ ޚިދުމަތް ހޯއްދެވުމަކީ އިނާޔަތް ހޯއްދެވުން ނޫން ކަމަށް ވިދާޅުވެފައެވެ.
VIP khidhumaiy dhinumakee inaayah thakeh hoadhumeh noon. E kamaku libigen dhaa faseyha eh! Rahyithun gaboolu kameh noonihyaa e ves anburaa nagaanan! https://t.co/qVte6jCbIA
— Mohamed Musthafa (@Thimarafushi) April 22, 2019
"ވީއައިޕީ ޚިދުމަތް ދިނުމަކީ އިނާޔަތްތަކެއް ހޯދުމެއް ނޫން. އެކަމަކު ލިބިގެންދާ ފަސޭހައެއް! ރައްޔިތުން ގަބޫލު ކަމެއް ނޫނިއްޔާ އެ ވެސް އަނބުރާ ނަގާނަން." މުސްތަފާ ވިދާޅުވިއެވެ.