މޫނު ބުރުގާ މައްސަލައިގާ އެ ބޭފުޅާ ވިދާޅުވެފައިވާނީ ހަމައެކަނި ސްރީލަންކާގައި ދިރިއުޅުއްވާ މުސްލިމް އުޚްތުން މިވަގުތު މޫނު ނިވާނުކުރުން ރަނގަޅު ކަމަށް ކަމުގައި މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒް ވިދާޅުވެއްޖެއެވެ.
ޑރ. އިޔާޒް މިހެން ވިދާޅުވެފައިވަނީ ބައެއް ފަރާތްތަކުން އެވާހަކަ އޮޅޭ ގޮތަށް ވާހަކަ ދައްކަވާ ސުރުޚީ އަޅުއްވަމުން ގެންދަވާތީ ކަމަށް ވިދާޅުވެ ކުރެއްވި ޓްވީޓެއްގައެވެ.
Moonu Burugaa massala gai alhugadu bunefai vaanee hama ekani Sri Langai dhiri ulhuvvaa Muslim ukhthun mivaguthu moonu nivaa nukurun ragalhu vaahaka eve. baeh faraaiythakun mi vaahaka olhey gothah vaahaka dhakkavamun surukheethah hadhdhavamun gendhavaatheeve evaahaka dhennevymeve
— Dr.Mohamed Iyaz (@dr_iyaz) April 29, 2019
"މޫނު ބުރުގާ މައްސަލައިގާ އަޅުގަނޑު ބުނެފައިވާނީ ހަމައެކަނި ސްރީލަންކާގައި ދިރިއުޅުއްވާ މުސްލިމް އުޚްތުން މިވަގުތު މޫނު ނިވާނުކުރުން ރަނގަަޅު ވާހަކައެވެ. ބައެއް ފަރާތްތަކުން މިވާހަކަ އޮޅޭގޮތަށް ވާހަކަ ދައްކަވަމުން ސުރުޚީތައް ހައްދަވަމުން ގެންދަވާތީ އެވާހަކަ ދެންނެވީމެވެ." ޑރ.އިޔާޒް ވިދާޅުވިއެވެ.
އޭޕްރިލް 21 ވަނަ ދުވަހު ލަންކާ ގައި ދިން ހަމަލާތަކަށްފަހު އެގައުމުގައި މޫނު ނިވާކޮށްގެން އުޅުން އިއްޔެ ވަނީ މަނާކޮށްފަ އެވެ. ކުއްލި ނުރައްކަލުގެ ހާލަތުގެ ދަށުން މި ފިޔަވަޅު އަޅާފައިވަނީ ގައުމީ ސަލާމަތަށްކަމަށް ރައީސް ސިރިސޭނާގެ އޮފީހުން ބުނެއެވެ.