ރާއްޖޭގެ ޓޫރިޒަމް ދާއިރާގައި މަސައްކަތްކުރާ މީހުންގެ ދަފްތަރެއް މިއަހަރު ތެރޭގައި އެކުލަވާލާނެކަމަށް ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
މިއަދު ފާހަގަކުރަމުންދާ މަސައްކަތްތެރިންގެ ދުވަހުގެ މުނާސަބަތުގައި އަލީ ވަހީދު ކުރެއްވި ޓްވީޓެއްގައި ވިދާޅުވީ ރާއްޖޭގައި ފުރަތަމަ ފަހަރަށް ޓޫރިޒަމް ސިނާއަތުގެ މަސައްކަތްތެރިންގެ ދަފްތަރެއް މިއަހަރު ތެރޭގައި އެކުލަވައިލައްވާނެ ކަމަށެވެ.
"ހެޔޮ ބަދަލުތައް މުޅި ސިނާއަތަށް ގެންނާނީ އެންމެން އެކީގައި" މިނިސްޓަރު ވިދާޅުވިއެވެ.
Massaiykaiytheringe dhuvahuge thahniyaa heevaagi massaiykaiytherinnah ariskuran. Allah iraadhafulhun, dhivehi raajjeygai furathama faharah Tourism industryge massaiykaiytheringe dhaftharu mi aharuge terey ekulavaalaanan. Heyo badhaluthah mulhi sinaa athah gennaanee enmen ekeegai.
— Ali Waheed (@ali20waheed) May 1, 2019
ޓޫރިޒަމް ދާއިރާގެ ދަފްތަރެއް އެކުލަވާލަން ނިންމާފައިވާއިރު އެންމެ ކުޑަ އުޖޫރަ ކަނޑައެޅުމަށް ހާއްސަ ބޯޑެއް ރައީސް އިބްރާހިމް މުހައްމަދު ސޯލިހު މިއަދު ވަނީ އެކުލަވާލައްވާފައެވެ.
ރައީސް އޮފީހުން ބުނީ "މުސާރައާއި އުޖޫރައާ ގުޅޭގޮތުން ލަފާދޭ ބޯޑު" ގެ ނަމުގައި އުފެއްދެވި މި ބޯޑުގެ މަގުސަދަކީ އެކިއެކި ވިޔަފާރިކުރާ ތަންތަނުގައާއި، އެނޫންވެސް މަސައްކަތްތައްކުރާ ތަންތަނުގައި މުވައްޒަފުން މަސައްކަތްކުރަމުންދާ ގޮތް ބަލައި ދެނެގަތުމަށާއި، އެ ތަންތަނުގައި މަސަކަތްކުރާ މީހުންނަށް މުސާރައިގެ ގޮތުން އެންމެ ކުޑަމިނުން ދެވޭނެ އަދަދާ ގުޅޭ ގޮތުން އިކޮނޮމިކް މިނިސްޓަރަށް ލަފާދިނުން ކަމަށެވެ.
އެންމެ ކުޑަ އުޖޫރަ ކަނޑައެޅުމަކީ މި ސަރުކާރުގެ ވައުދެކެވެ.