ސިނަމާލެ ބްރިޖަށް ރާއްޖެއިން ދައްކަން ޖެހެނީ 100 މިލިއަން ޑޮލަރު (1.5 ބިލިއަން ރުފިޔާ)ކަމަށް ޗައިނާއިން ރާއްޖެ ކަނޑައަޅުއްވާފައިވާ ސަފީރު ޖަންގް ލިޖޮންގް ވިދާޅުވެއްޖެއެވެ.
އިންޑިއާގެ ތިންކް ޓޭންކްގެ އެނުއަލް ކޮންފަރެންސްގައި ވާހަކަފުޅު ދައްކަވަމުން ކުރީގެ ރައީސް އަދި މަޖްލިސްގެ މިހާރުގެ ރައީސް މުހައްމަދު ނަޝީދު ދެއްކެވި ވާހަކަފުޅުތަކަށް ރައްދު ދެއްވައި ކުރެއްވި ޓްވީޓެއްގައި ލިޖޮންގް ވިދާޅުވީ ރާއްޖެއިން ބްރިޖްގެ އަގު ދައްކަން ހަމަޖެހިފައިވަނީ ފަސް އަހަރު ފަހުން ކަމަށެވެ. އަދި ބްރިޖުގެ އަގު އަދާކުރުމަށް 20 އަހަރުގެ މުއްދަތެއް ރާއްޖެއަށް ދިފައިވާ ކަމަށެވެ.
MMA data shows the foreign debt is MVR 49.6 billion at the 1st Q of this year,equivalent to $ 3.21 billion. Total loans from China include $872 million concessional loans and $657 million preferential loans up to last Nov. it means $1.529 billion in total when projects complete. pic.twitter.com/h8JXZemEML
— Zhang Lizhong (@AmbassadorZhang) July 6, 2019
ސަފީރު ވިދާޅުވީ "ޗައިނާ-މޯލްޑިވްސް ފްރެންޑްޝިޕް ބްރިޖް" ގެ އަގަކީ 200 މިލިއަން ޑޮލަރު ކަމަށެވެ. އަދި އޭގެ 57.5 ޕަސެންޓަކީ ޗައިނާ ސަރުކާރުގެ ހިލޭ އެހީ ކަމަށާއި ބްރިޖުގެ އަގުގެ 36.1 ޕަސެންޓް އަދާކުރަނީ ޗައިނާގެ ބޭންކަކުން ނަގާފައިވާ ޕްރިފެރެންޝަލް ލޯނަކުން ކަމަށެވެ.
ޗައިނާ ސަފީރު މިގޮތަށް ވިދާޅުވިއިރު ނަޝީދު ވިދާޅުވީ އަންނަ އަހަރުން ފެށިގެން ދައުލަރުގެ ބަޖެޓުގެ 15 އިން ސައްތަ އަކީ ޗައިނާ ލޯނު ދައްކަން ހަރަދު ކުރަންޖެހޭ ފައިސާ ކަމަށެވެ.
ޗައިނާއިން ވަނީ ބްރިޖުގެ އިތުރުން ވެލާނާ އިންޓަނޭޝަނަލް އެއާޕޯޓާއި، ދަރުމަވަންތަ ހޮސްޕިޓަލްގެ އިތުރުން ހުޅުމާލޭގައި ހައުސިން ޕްރޮޖެކްޓު ހިންގުމަށް ލޯނު އެހީދީފައެވެ.