ނ. ކެނދިކުޅުދޫގައި އަމިއްލަ ފަރާތަކުން އިމާރާތްކޮށްފައިވާ މިސްކިތް ރައީސް އިބްރާހީމް މުހައްމަދު ސޯލިހު ހުޅުވައިދެއްވައިފިއެވެ.
މަސްޖިދުލް ރަހުމަތުގެ ނަމުން ނަން ދީފައިވާ މި މިސްކިތުގެ ބިންގާވެސް އަޅާދެއްވާފައި ވަނީ ރައީސް ސޯލިހު ކެނދިކުޅުދޫއަށް މިދިޔަ އަހަރުގެ މާޗު މަހުގައި ކުރެއްވި ދަތުރުފުޅުގެ ތެރެއިންނެވެ.
މިއީ މި ސަރުކާރުގައި ބިންގާ އަޅައި، ތަރައްގީކޮށް ހުޅުވި ފުރަތަމަ މިސްކިތެވެ.
މި މިސްކިތަކީ 550 މީހުންގެ ޖާގައިގެ މިސްކިތެކެވެ. މި މިސްކިތުގައި އަންހެނުންނަށްވެސް ނަމާދު ކުރެވޭނެ އިންތިޒާމު ވަނީ ހަމަޖައްސާފައެވެ. މި މިސްކިތާއި އެކުގައި ކެނދިކުޅުދޫގައި ޖުމްލަ ފަސް މިސްކިތެއް މިހާރު އެބަހުއްޓެވެ.