މާލޭގައި ރޭ ހިނގި ނުރައްކާތެރި އެކްސިޑެންޓެއްގައި އަނިޔާވި ޒުވާނަކަށް ފަރުވާދެމުން ދަނިކޮށް މަރުވެއްޖެއެވެ.
މައުލޫމާތު ލިބިފައިވާ ގޮތުގައި އެކްސިޑެންޓު ހިނގާފައިވަނީ ރޭ 10:32 ހާއިރު ބުރުޒު "ޕީޓްރަލް" ސަރަހައްދުން ދުއްވާފައި ދިޔަ ދެ ސައިކަލް ޖެހި ހިނގި އެކްސިޑެންޓުގައެވެ..
މި ހާދިސާގައި މަރުވެފައިވަނީ 26 އަހަރުގެ މުހައްމަދު މިދުހަތު ނަމަކަށް ކިޔާ ޒުވާނެކެވެ.
އޭނާ މަރުވެފައިވަނީ އައިޖީއެމްއެޗަށް ގެންގޮސް ފަރުވާ ދެމުންދަނިކޮށް ރޭ 11:30 ހާއިރުއެވެ.
މި އެކްސިޑެންޓާއި ގުޅޭ އިތުރު ތަފްސީލެއް އަދި ފުލުހުން ހާމަކޮށްފައި ނުވެއެވެ. އަދި މި އެކްސިޑެންޓުގައި އަނިޔާވީ ކިތައް މީހުން ކަމެއްވެސް އަދި މުޅިން ސާފެއް ނުވެއެވެ.