ދިވެހި ޑޮކްޓަރުން ވަމުންދާ ގުރުބާނީއަކީ އޭގެ އަގު އަދާ ކުރެވޭނެ އެއްޗެއް ނޫން ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވިދާޅުވެއްޖެއެވެ.
ރާއްޖޭގެ ޑޮކްޓަރުންގެ ދުވަހާއި ގުޅިގެން ރައީސް ސޯލިހު ކުރެއްވި ޓްވީޓެއްގައި ވިދާޅުވީ މިއަހަރު ރާއްޖެއަށް ޑޮކްޓަރުންގެ ދުވަސް އައިސްފައި މިވަނީ ދުނިޔޭގައި ހަލުވިކަމާއި އެކުގައި ފެތުރެމުން އަންނަ ކޮވިޑް19 ވައިރަސް ރާއްޖެއަށް ވެސް ފެތުރެން ފަށާފައިވާ ނުރައްކާތެރި ދަނޑިވަޅެއްގައި ކަމަށެވެ. އަދި މިވަގުތު ރާއްޖޭގެ ރައްޔިތުންގެ ސަލާމަތާއި ރައްކާތެރިކަމަށް ޑޮކްޓަރުން ވަމުން އަންނަ ގުރުބާނީއަކީ އޭގެ އަގު އަދާ ކުރެވޭނެ އެއްޗެއް ނޫން ކަމަށެވެ. އަދި ޑޮކްޓަރުންނަށް ދަރާފައިވާ މިންވަރު އެހާމެ ބޮޑު ކަމަށް ރައީސް ވިދާޅުވިއެވެ.
#MaldivianDoctorsDay this year arrives at a time when the service and sacrifice of our doctors to the nation is on profound display. We owe our medical professionals an immense debt of gratitude for the risks they undertake daily to keep us safe from COVID 19. My sincere thanks.
— Ibrahim Mohamed Solih (@ibusolih) April 18, 2020
ކޮންމެ އަހަރެއްގެވެސް އޭޕްރީލް މަހުގެ 18ވަނަ ދުވަސް ރާއްޖޭގައި ފާހަގަކުރަނީ ގައުމީ ޑޮކްޓަރުންގެ ދުވަހުގެ ގޮތުގައެވެ. ކޮވިޑް19 އާ ގުޅިގެން ސިއްހީ ހިދުމަތްތެރިން ކުރަމުން އަންނަ މަސައްކަތަށް ގިނަ ބަޔަކު އަންނަނީ ތައުރީފު ކުރަމުންނެވެ.