ދުނިޔޭގައި ހަލުވިކަމާއި އެކު ފެތުރެމުން އަންނަ ކޮވިޑް-19 އަށް ރާއްޖެއިން ޕޮޒިޓިވްވީ މީހުންގެ އަދަދު 5000އަށް ވުރެ މައްޗަށް އަރައިފިއެވެ.
މި އަހަރުގެ މާރިޗު 27 ވަނަ ދުވަހު މާލެއިން ކޮވިޑަށް މީހަކު ޕޮޒިޓިވްވީ ފަހުން ބަލި ޖެހޭ މީހުންގެ އަދަދު ދަނީ އިތުރުވަމުންނެވެ. ކޮވިޑު-19ގެ ފުރަތަމަ ކޭސް އާއި އެކު މާލެ ސަރަހައްދު ލޮކްޑައުން ކޮށް ބަލޮ ފެތުރޭ މިންވަރު ވަރަށް ބޮޑުތަން ދަށްކުރިއެވެ.
ނަމަވެސް ރާއްޖޭގެ އިގްތިސާދު ހުއްޓުވާފައި ނުބޭއްވޭނެކަމަށް ބުނެ ސަރުކާރުން ވަނީ މާލެ ސަރަހައްދުގެ ލޮކްޑައުން އުވާލައި، ނިއު ނޯމަލް އުސޫލާއި އެކު ރާއްޖެ ހުޅުވާލާފައެވެ.
✳️ COVID-19 Case Updates
As of 06:00 PM
Confirmed an additional 143 cases of COVID-19 infections in Maldives
– 107 Maldivians
– 28 Bangladeshis
– 6 Indians
– 2 NepaleseTotal number of cases: 5,041 pic.twitter.com/Ll7kehN9Ya
— Health Protection Agency (@HPA_MV) August 9, 2020
ސަރުކާރު އޮފީސް ތަކާއި ޕާކުތަކާއި، ކެފޭ ރެސްޓޯރެންޓުގެ އިތުރުން ސްކޫލްތައް ހުޅުވާލުމާއި އެކު ބަލި ފެތުރޭ ސްޕީޑުވަނީ އިންތިހާއަށް އިތުރުވެފައެވެ.
އެޗްޕީއޭއިން އާއްމުކޮށްފައިވާ ހިސާބުތަކަށް ބަލާއިރު މިހާތަނަށް ރާއްޖެއިން 5041 މީހަކަށް ވަނީ ބަލިޖެހިފައެވެ. އަދި ކޮންމެ ދުވަހަކު ބައްޔަށް ޕޮޒިޓިވްވާ މީހުންގެ އަދަދު ވަނީ 150 އާއި 250 އާއި ދެމެދުގައެވެ. މިހާތަނަށް 19 މީހަކު ބަލީގައި މަރުވެފައިވާ އިރު މިހާރުވެސް 7 މީހަކަށް ވެންޓިލޭޓަރުގައި އަންނަނީ ފަރުވާ ދެމުންނެވެ.
✳️ COVID-19 : Status of active cases in inhabited islands & in resorts
As of 06:00 PM
Active cases in 8 resorts, this includes 6 tourists and 9 staff pic.twitter.com/M26cnYc31P
— Health Protection Agency (@HPA_MV) August 9, 2020
މާލޭގެ އިތުރުން ރާއްޖޭގެ ބައެއް ރަށްތަކަށްވެސް ކޮވިޑު-19 ޕޮޒިޓިވްވާ މީހުން އަންނަނީ އިތުރުވަމުންނެވެ. އޭގެ ސަބަބުން ބަލީގެ ނުރައްކާ މިވަނީ ރާއްޖެއަށް ބޮޑުވެފައެވެ.
ސިއްހީ މާހިރުން އަންނަނީ ބަލި ފެތުރޭ ސްޕީޑާއި މެދު ކަންބޮޑުވުން ފާޅުކުރަމުންނެވެ. އަދި ބަލި ކޮންޓްރޯލް ކުރުމަށް ފަރުދީ ޒިއްމށ އަދާކުރުމަށް އެފަރާތްތަކުން އަންނަނީ ރައްޔިތުންނަށް އިރުޝާދު ދެމުންނެވެ.