މަޖިލީހުގެ މެޖޯރިޓީ ލީޑަރު އަލީ އާޒިމް އުޅުއްވަނީ ހެއްދެވި ފަރާތަށްވެސް ކަންކަން އޮޅުވާލަންތޯ ވިދާޅުވެ ކުރީގެ މިނިސްޓަރު މުހައްމަދު މަލީހް ޖަމާލް ފާޑުވިދާޅުވެއްޖެއެވެ.
އިތުބާރު ނެތްކަމުގެ ވޯޓު ނަގާ މިނިސްޓަރުގެ މަގާމުން ދުރުކޮށްފައިވާ މަލީހް ކުރެއްވި ޓްވީޓެއްގައި ވިދާޅުވެފައިވަނީ އޭނާ މަގާމުން ދުރުކުރުމުގެ މުޅި ޕްރޮސެސް ޤާނޫނުއަސާސީއާއި ހިލާފުކަމަށެވެ.
"މަޖިލީހުގެ އެ ރޯޔަލް ފެކްޝަން އިއްޔެ ފަލީހަތްވެއްޖެ." މަލީހްގެ ޓްވީޓްގައިވެއެވެ.
އަދި މަލީހް ވިދާޅުވެފައިވަނީ އިއްޔެ އިތުބާރު ނެތްކަމުގެ މައްސަލައިގައި ވޯޓަށް އެހި ގަޑިވެސް މެމްބަރުންނަށް އޮޅުވާލާފައިވާކަމަށެވެ.
Ali Azim miulhenee hehdhevi faraathahves olhuvaalanthoa? Mulhi process Qaanoonu Asaasee aai khilaafu. Elhuvee dhogu ilzaam. Majlihuge e #Royalfaction iyye falheehaiy vejje. "Beynunveema kohlun" Iyye vote negi gadives memberunnah olhuvaali. Goas. Goas. Goas.Kahchah elhi bingaa…
— Mohamed Maleeh Jamal (@maleehjamal) March 2, 2021
އިއްޔަ މަޖިލީހުގެ ޖަލްސާ ކުރިއަށް ދިޔައިރުވެސް މަލީހް ވަނީ މަޖިލީހުގެ ގަވައިދާއި ހިލާފަށް ކަންކަން ކުރިއަށްދާކަމަށް ވިދާޅުވެފައެވެ. އެހެންނަމަވެސް އަމީންއާންމާއި ކައުންސެލާ ޖެނެރަލްއާ ވާހަކަ ދެއްކެވުމަށްފަހު ރައީސް ނަޝީދު ވިދާޅުވެފައިވަނީ މަޖިލީހުގެ ގަވައިދާއި ހިލާފަށް އެއްވެސް ކަމެއް ކުރިއަށް ނުދާކަމަށެވެ.
އަދި މަލީހް ވަނީ މަޖިލީހުގެ ރައިސް ނަޝީދު ކަންކަން ހުދުހުތާރުކޮށް ކުރައްވާކަމަށްވެސް ވިދާޅުވެފައެވެ.