ކުރީގެ މިނިސްޓަރު މުހައްމަދު މަލީހް ޖަމާލްގެ މައްސަލައިގައި ރައީސް އިބްރާހިމް މުހައްމަދު ސޯލިހް ކަންކުރެއްވިގޮތް "ހުތުރު"ކަމަށް ކުރީގެ ބަންޑާރަނައިބު ދިޔާނާ ސައީދު ވިދާޅުވެއްޖެއެވެ.
މަޖިލީހުގެ ރައިސް އަދި ކުރީގެ ރައީސް މުހައްމަދު ނަޝީދަށް ކުރީގެ މިނިސްޓަރު މަލީހް ސޯޝަލްމީޑިއާގައި ފާޑުކިޔަމުން އަންނައިރު ދިޔާނާ ކުރެއްވި ޓްވީޓެއްގައި ވިދާޅުވެފައިވަނީ މަލީހް "އޮށްގާ އުކަނީ" ނުބައި ރައީސް އަކަަށް ކަމަށެވެ.
ރައީސް ނަޝީދުގެ ކެބިނެޓްގައި މަލީހް އިންނެވިނަމަ، ދިފާއު ކުރެއްވުމަށް ރައީސް ނަޝީދު ހުރިހާ ގަލެއްވެސް ފުރޮޅާނެ ކަމަށް ދިޔާނާ ވިދާޅުވިއެވެ.
"ރައީސް އިބްރާހިމް މުހައްމަދު ސޯލިހް ކަންތައް ކުރެއްވި ގޮތް ހުތުރު، ވަޒީރު ކަމުނުދާނަމަ ވަކިކުރަންވާނީ ރީތިކޮށް، މަޖިލީހުން ނޮޅަން ދޫކޮށްނުލައްވާ." ދިޔާނާގެ ޓްވީޓްގައިވެއެވެ.
މީގެ އިތުރުން ދިޔާނާ ވިދާޅުވީ ވަޒިރަކާއި ދެކޮޅަށް ނެގޭ އިތުބާރު ނެތްކަމުގެ ވޯޓަކީ ސަރުކާރާއި ދެކޮޅަށްވެސް ނެގޭ އިތުބާރު ނެތްކަމުގެ ވޯޓެއް ކަމަށެވެ. އަދި މަލީހާއި މެދު އެގޮތަށް އަމަލުކުރުމަށް ރައީސް ސޯލިހް ދޫކޮށްލެއްވުމަކީ އުސޫލީގޮތުން ގޯހެއްކަމަށް ވިދާޅުވިއެވެ.
Maleeh, nubai Raeesakah thiya ohgaa ukkavanee. RN ge cabinet ga manikufaanu innevinama manikufaanu dhifaaukuravvan hurihaa galeh furolhuvveeskan kashavaru. RIMS kanthah kurevvi goiy huthuru, vazeeru kamunudhaanama vakkikuravvanvaanee reethikoh, Majlis in ‘nolhan’ dhookohnulavva. pic.twitter.com/l7RikkImnH
— Dhiyana 🎈?🌹 (@dhiyanasaid) March 3, 2021
އިތުބާރު ނެތްކަމަށް ފާސްކޮށް މަލީހް މަގާމުން ވަކިކޮށްފައިވަނީ މިމަހުގެ އެއްވަނަ ދުވަހުއެވެ. މިއީ ރައީސް އިބްރާހިމް މުހައްމަދު ސޯލިހްގެ ސަރުކާރުގެ ވަޒީރަކާއި ދެކޮޅަށް އެމްޑީޕީގެ ސުޕަމެޖޯރިޓީ މަޖިލީހުން އިތުބާރު ނެތްކަމުގެ ވޯޓުނަގާ މަގާމުން ދުރުކުރި ފުރަތަމަ ފަހަރެވެ.