ކުރިއަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިހާބަށް ވޯޓުގެ ސައްހަކަން ގެއްލޭގޮތަށް ރަޖިސްޓްރީވެފައިވާ ފަރާތްތަކަށް ރީ-ރަޖިސްޓްރީ ވުމުގެ ފުރުސަތު ހުޅުވާލާނެކަން އިލެކްޝަންސް ކޮމިޝަންގެ ރައީސް އަހުމަދު ޝަރީފް ވިދާޅުވެއްޖެއެވެ.
ޝަރީފް ވިދާޅުވީ ރީ-ރަޖިސްޓްރީ ވުމުގެ މުއްދަތު ނިމުނުއިރު 8000 ފަރާތެއްގެ ވޯޓުގެ ސިއްރުކަން ގެއްލޭފަދަ ގޮތަކަށް ރަޖިސްޓްރީ ކޮށްފައިވާކަމަށެވެ.
އެ ފަރާތްތައް މިހާރު ރަޖިސްޓްރީ ކޮށްފައިވާ ތަންނޫން އެހެންތަނަކަށް ރަޖިސްޓްރީ ވުމަށް މި ހަފްތާގައި ހުޅުވާލާނެ ކަމަށް ޝަރީފް ވިދާޅުވިއެވެ.
Reregistration nimunu iru 8000 farathehge votege sirrukan gehley fadha gothakah reregister kohfaivey, mi faraithah alun mihaaru register kohfaa vaa than noon ehen thanakah register vaan mi hafthaa ga furusathu hulhuvaalaanan
— Ahmed Shareef (@ShareefRangondi) March 17, 2021
އޭޕްރިލް 10 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިހާބަށް ރީ-ރަޖިސްޓްރީވާން ހުޅުވާލި ފުރުސަތުގައި 26،750 ފޯމް ހުށަހަޅާފައިވާކަމަށް އީސީން މައުލޫމާތުދެއެވެ. މި އިންތިހާބަށް ވޯޓު ލުމުގެ ހައްޤު ލިބިގެންވަނީ 273128 މީހުންނަށެވެ.