ރިސޯޓް މުވައްޒަފުން ވޯޓުން މަހުރޫމް ކުރުމަށް އުސޫލުތައް ހަރުކަށި ކުރަމުން އަންނަކަމަށް މާލެސިޓީ ކައުންސިލް ހުޅުމާލެ ދާއިރާއަށް ވާދަކުރައްވާ ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެއްޖެއެވެ.
އޭޕްރިލް 10 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބާއި ގުޅިގެން ކުރި ޓްވީޓެއްގައި ޝުޖާއު ވިދާޅުވީ ކައުންސިލް އިންތިހާބަކީ ރާއްޖޭގައި ބޭއްވޭ އެންމެ ނާއިންސާފު، ހައްޤުތަކުން މަހުރޫމް ކުރެވިގެން ބޭއްވީ އިންތިހާބު ކަމަށެވެ.
ޝުޖާއު ވިދާޅުވީ މި އިންތިހާބަކީ ޑިމޮކްރަސީގެ އަސާސްތަކާ މުޅިން ހިލާފަށް ބޭއްވޭ އިންތިހާބެއްކަމަށެވެ.
އެގޮތުން ރިސޯޓް މުވައްޒަފުން ވޯޓުން މަހުރޫމް ކުރުމަށް އުސޫލުތައް ހަރުކަށި ކުރަމުންދާ ކަމަށް ޝުޖާއު ވިދާޅުވިއެވެ.
LCE2020 akee Raajjey gai beyhvvey emme naainsaafu,hagguthakun mahuroom kuruvigen beyhvvey inthihaabu.Democracy ge asaasthakaa mulhin hilaafah beyhvvey inthihaabeh.Resort Muvazzafun vote in Mahuroom kuruvan dhanee Usoolu thah Harukashi kuramun.@ShareefRangondi @HPA_MV @ibusolih
— Ibrahim Shujau 💙 (@shuja3831) March 18, 2021
ކުރިއަށް އޮތް ލޯކަލް ކައުންސިލް އިންތިހާބުގައި ވޯޓްލުމުގެ ހައްޤު ލިބިފައިވާ މީހުންގެ އަދަދަކީ 273128 އެވެ. އަދި ކައުންސިލް އިންތިހާބުގައި ޖުމުލަ 2264 ކެނޑިޑޭޓުން ވާދަކުރެއެވެ.