ނައިފަރު ދާއިރާގެ މެމްބަރު އަހުމަދު ޝިޔާމް ކޮވިޑް-19 އަށް ޕޮޒިޓިވް ވެއްޖެއެވެ.
މަޖިލީހުގެ މީޑިއާ އެންޑް ކޮމިއުނިކޭޝަން ޑިރެކްޓަރު ހަސަން ޒިޔާއު ވަނީ ޝިޔާމް ކޮވިޑް-19 އަށް ޕޮޒިޓިވް ވެފައިވާކަން "އައްޑޫލައިވް"އަށް ކަށަވަރު ކޮށްދެއްވާފައެވެ. ޒިޔާއު ވިދާޅުވީ ޝިޔާމް ޕޮޒިޓިވްކަން މަޖިލީހަށް އެނގުނީ މިއަދު ކަމަށާއި، ސީދާ ޕޮޒިޓިވްވި ދުވަހެއް ނޭނގޭކަމަށެވެ.
ޒިޔާއު ވިދާޅުވީ އަދި މިހާތަނަށް ޝިޔާމްގެ ކޮންޓެކްޓެއް މަޖިލީހުގައި ނެތް ކަމަށެވެ.
މިއީ މަޖިލީހުން ކޮވިޑް-19 އަށް ޕޮޒިޓިވްވި ދެވަނަ މެމްބަރެވެ. ކުރިން މަޖިލީހުން ކޮވިޑް-19 އަށް ޕޮޒިޓިވް ވެފައިވަނީ މެޖޯރިޓީ ލީޑަރު އަލީ އާޒިމެވެ.