ޗައިނާ ސަރުކާރުން ދިވެހިރާއްޖެއަށް ހަދިޔާކުރި 2 ލައްކަ ޑޯޒް ސިނޮފާމް ވެކްސިންގެ. ތެރެއިން ރާއްޖެ ނުގެނެސް ހުރި 100،000 ޑޯޒް ގެނެސްފިއެވެ.
ފޮރިން މިނިސްޓަރު އަބްދުﷲ ޝާހިދު ކުރެއްވި ޓްވީޓެއްގައި ވިދާޅުވެފައިވަނީ، ޗައިނާ ސަރުކާރުން ހަދިޔާކޮށްފައިވާ ސިނޮފާމް ވެކްސިންގެ ތެރެއިން ރާއްޖެ ނުގެނެސް ބާކީ ހުރި 100،000 ޑޯޒް ރޭ ގެނެސްފައިވާކަމަށެވެ. އަދި އޭގެއިތުރުންވެސް ޗައިނާއިން ހަދިޔާކުރި ސިއްހީ ބައެއް ސާމާނުތައް ގެނެސްފައިވާ ކަމަށް ވިދާޅުވިއެވެ.
Remaining 100K doses of Sinopharm vaccine and other medical equipment donated by #China arrived in Male’ from Beijing on @MaldivianAero. Sincere appreciation to the Govt & people of China for their generous contributions to our vaccine rollout. Special thanks to @AmbassadorZhang! pic.twitter.com/So7QdPnies
— Abdulla Shahid (@abdulla_shahid) March 31, 2021
ޗައިނާ ސަރުކާރުން ދިވެހިރާއްޖެއަށް ހަދިޔާކުރާ 2 ލައްކަ ޑޯޒް ސިނޮފާމް ވެކްސިންގެ ފުރަތަމަ ބެޗް ރަސްމީކޮށް ދިވެހި ސަރުކަރާ ހަވާލުކޮށްފައިވަނީ މާޗް 25 ވަނަ ދުވަހުއެވެ.
ޗައިނާއިން ރާއްޖެއަށް ހަދިޔާކުރި ވެކްސިން ރާއްޖެއަށް ގެނެސްފައިވަނީ 100،000 ޑޮރަލަށް ފްލައިޓެއް ޗާޓަރު ކޮށްގެނެވެ. އަދި އެކަމަށް ރާއްޖޭގައި ހަރަކާތްތެރިވާ ޗައިނާގެ ބައެއް ކުންފުނިތަކުން އެހީތެރިކަން ފޯރުކޮށްދީފައިވެއެވެ.