ހޮނިހިރު ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބުގައި އައްޑޫސިޓީގައި 29 ވޯޓު ފޮށި ބެހެއްޓުމަށް ހަމަޖައްސައިފިއެވެ.
އިލެކްޝަންސް ކޮމިޝަނުން އެންމެފަހުން ހިއްސާކޮށްފައިވާ މައުލޫމާތުތަކަށް ބަލާލާއިރު އައްޑޫ ސިޓީގައި ބެހެއްޓުމަށް ހަމަޖެހިފައިވަނީ 29 ވޯޓު ފޮއްޓެވެ.
އެއީ ހިތަދޫ ސްކޫލްގައި 4 ވޯޓު ފޮށި، ނޫރާނީ ސްކޫލްގައި 4 ފޮށު، ޝަރަފުއްދީން ސްކޫލްގައި 3 ފޮށި، އައްޑޫ ހައިސްކޫލްގައި 2 ފޮށި، އިރުޝާދިއްޔާ ސްކޫލްގައި އެއް ފޮށި މަރަދޫ ސްކޫލުގައި 2 ފޮށި، މަރަދޫފޭދޫ ސްކޫލްގައި 2 ފޮށި، ފޭދޫ ސްކޫލްގައި 5 ފޮށި، ހުޅުދޫ ސްކޫލްގައި އެއް ފޮށި، ނަސްރިއްޔާ ޕްރީސްކޫލްގައި އެއް ފޮށި، ސ. އަތޮޅު މަދަރުސާގައި ދެ ފޮށި އަދި ސ. އަތޮޅު މަދަރުސާގައި 2 ފޮށްޓެވެ.
އޭޕްރިލް 10 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބުގައި އައްޑޫސިޓީ މޭޔަރު ކަމަށް ތިން ކެނޑިޑޭޓުން ކުރިމަތިލައެވެ. އެއީ އެމްޑީޕީގެ ޓިކެޓުގައި އަލީ ނިޒާރު، ޕީޕީއެމްގެ ޓިކެޓުގައި މުހައްމަދު ލަތީފް އަދި އަމިއްލަ ގޮތުން އިބްރާހިމް ތާހިރުއެވެ.