ރާއްޖޭގެ ޒުވާން ކުޅިވަރު ނޫސްވެރިޔާ ސާއިދު އަހުމަދުގެ ކިޑްނީ ޓްރާންސްޕްލާންޓަށް ދިވެހި ފުޓްބޯޅަ އާއިލާގެ ފަރާތުން 300،000 ރުފިޔާގެ އެހީއެއް ދީފިއެވެ.
މިއަދު ގަލޮޅު ރަސްމީ ފުޓްބޯޅަ ދަނޑުގައި އޮތް ދިރާގު ދިވެހި ޕްރިމިއަރ ލީގުގެ މެޗު ފެށުމުގެ ކުރިން ބޭއްވި ރަސްމިއްޔާތެއްގައި ފުޓުބޯޅަ ޢާއިލާގެ ފަރާތުން ސާޢިދަށް ދިން 300،000 ރުފިޔާގެ ފައިސާގެ އެހީގެ ރަމްޒީ ޗެކް އޭނާއާ ހަވާލުކޮށްދެއްވީ ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް ބައްސާމް ޢަދީލް ޖަލީލެވެ.
Alhamdhulillahi
It was a pleasure to provide the support on behalf of the football family (@MaldivesFA) to Saaid.
May Almighty Allah, grant him a successful surgery & a speedy recovery. We need the wonderful journalist & member of our football family back soon 🙏🏽#famcsr pic.twitter.com/7LM7ziNNQ0
— Bassam Adeel Jaleel (@bassam_jaleeI) April 9, 2021
ސާއިދުގެ ދެ ކިޑްނީ ފެއިލްވެ އެހީއަކަށް އެދީ އާދޭސްކުރަމުން އަންނަތާ އެތައް ދުވަހެއް ވެފައިވާއިރު، ސާއިދުގެ އުއްމީދަކީ ވީހާވެސް އަވަހަކަށް ކިޑްނީ ޓްރާންސްޕްލާންޓް ހެދުމަށް ރާއްޖެއިން ބޭރަށް ފުރޭނެ ދުވަހަކެވެ.
2009 ވަނަ އަހަރު ސަންއެފްއެމްއިން ނޫސްވެރިކަމުގެ ދާއިރާއަށް ނުކުތް ސާއިދަކީ މިހާރުވެސް މި ދާއިރާގައި މަސައްކަތް ކުރަމުންދާ ފަރާތެކެވެ. އެގޮތުން ސާއިދު މިހާރު މަސައްކަތް ކުރަމުން އަންނަނީ ދައުލަތުގެ މީޑިއާ، ޕީއެސްއެމް ގައެވެ.