އެމްއެމްޕީއާރްސީގެ ހިޔާނާތަށް އިއުތިރާފްވެ ޖަލަށް ހުކުމް ކުރި ކުރީގެ ނައިބު ރައީސް އަހުމަދު އަދީބު ގޭގައި ހުރި ސަބަބާއި މެދު ކުރީގެ ބަންޑާރަނައިބު ދިޔާނާ ސައީދު ސުވާލު އުފައްދަވައިފިއެވެ.
ދިޔާނާ ކުރެއްވި ޓްވީޓެއްގައި ވިދާޅުވެފައިވަނީ އިއްޔެ މަޖިލީހުގައި ރައީސް މުހައްމަދު ނަޝީދު އެމްއެމްޕީއާރްސީގެ ކަޅު ފައިސާ ލިބުނު މީހުންގެ މައްސަލަ ބައްލަވާނެ ކަމަށް ވިދާޅުވެފައިވާކަން ފާހަގަކުރައްވާފައެވެ.
އަދި އަދީބު ގޭގައި ހުރުމުން އެކަމާމެދު ސުވާލު އުފައްދަވާ ދިޔާނާ ވަނީ އެކަމަށްވެސް ފާޑުވިދާޅުވެފައެވެ.
"ފުރަތަމަ ކަމަކަށް ވިދާޅުވެ ދެއްވަބައްލަވާ، އެ ހިޔާނާތުގެ އެއް މޭސްތިރި އަދީބު ޖަލުގެ ބަދަލުގައި ހުޅުމާލެ ޕެންޓްހައުސް އަކަށް ހުކުމް ކޮށްގެން އުޅެނީ ކީއްވެތޯ؟" ދިޔާނާގެ ޓްވީޓްގައިވެއެވެ.
MMPRC ge kalhu faisaa libunu meehunge massala ballavaanekamah Majlis ge raees vidhaalhuvey. Kithanmehaaves rangalhu.
Furathama kamakah vidhaalhuvedhevva ballavaa e khiyaanaathuge eh meysthiri Adeeb jaluge badhaluga Hulhumale ge penthouse akah ‘hukumkohgen’ ulhenee keevvetho?
— Dhiyana 🎈?🌹 (@dhiyanasaid) April 27, 2021
އިއްޔެ ބޭއްވި މަޖިލީހުގެ ޖަލްސާގައި ރައީސް ނަޝީދު ވިދާޅުވީ އެމްއެމްޕިއާރްސީގެ މައްސަލަ ބައްލަވާނެ ކަމަށާއި، އަދި އެކަމުގައި ބައެއް މެމްބަރުންގެ ގޮނޑިކޮޅު ގެއްލުންވެސް އެކަށީގެންވާ ކަމަށާއި، އަދި ބައެއް ބޭބޭފުޅުންގެ މަގާމުވެސް ގެއްލިދާނެ ކަމަށެވެ.
އެމްއެމްޕީއާރްސީގެ ހިޔާނާތުގެ މައްސަލައިގައި އަދީބު އިއުތިރާފްވުމުން އޭނާގެ މައްޗަށް ވަނީ 20 އަހަރުގެ ޖަލު ހުކުމެއް އިއްވާފައެވެ.