ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދަށް އަމާޒުކޮށްދިން ޓެރަރިސްޓް ހަމަލާގެ ތަހުގީގާ ގުޅޭ މައުލޫމާތު ރައީސް އިބްރާހިމް މުހައްމަދު ސޯލިހް ސާފުކުރައްވައިފިއެވެ.
މުލިއާގޭގައި ކުރިއަށްގެންދިޔަ މި ބައްދަލުވުމުގައި ހޯމް މިނިސްޓަރު އިމްރާން އަބްދުﷲއާއި ކޮމިޝަނަރ އޮފް ޕޮލިސް މުހައްމަދު ހަމީދުގެ އިތުރުން އެސިސްޓެންޓް ކޮމިޝަނާ އޮފް ޕޮލިސް މުހައްމަދު ރިޔާޒު ބައިވެރިވެވަޑައިގެންފައިވެއެވެ.
President @ibusolih receiving updates from @policemv on the ongoing investigation into the terror attack against Speaker of Majlis, President @mohamednasheed. pic.twitter.com/o30QL8p4O7
— Mabrook Azeez (@MvSpokesperson) May 7, 2021
ރައީސް ނަޝީދުގެ ހަށީކޮޅަށް އަމާޒުކޮށް އައިއީޑީއެއް ގޮށްވާލައިގެން ދީފައިވާ މި ޓެރަރިސްޓް ހަމަލާގައި ލިބުނު ޒަހަމްތަކަށް ރައީސް ނަޝީދަށް ވަނީ އޭޑީކޭގައި ފަރުވާދީ އޮޕަރޭޝަންތަކެއް ކޮށްފައެވެ. މި ހަމަލާގައި އިތުރު ފަސް މީހަކަށްވެސް ޒަހަމްތައް ވެފައިވާކަމަށް ފުލުހުން މައުލޫމާތުދެއެވެ.
ފުލުހުން ބުނެެފައިވަނީ މިހަމަލާއާއި ގުޅިގެން ހަތަރު މީހަކު ފާހަގަކުރެވިފައިވާ ކަމަށާއި، އެމީހުންނަށް ފާރަލަމުން އަންނަކަމަށެވެ.