ރާއްޖެއިން ކޮވިޑް-19 ގައި 30 އަހަރުގެ މީހަކު މަރުވެއްޖެއެވެ.
މިއީ މިއަދު ރިޕޯޓްކުރި ކޮވިޑް-19 ގެ ދެވަނަ މަރެވެ.
އެޗްޕީއޭއިން ބުނެފައިވަނީ ރޭ ފަތިހު 04:30 ހާއިރު ހުޅުމާލެ މެޑިކަލް ފެސިލިޓީގައި ފަރުވާ ހޯދަމުންދިޔަ 30 އަހަރުގެ ދިވެހި އަންހެނަކު މަރުވެފައިވެއެވެ.
މިއާއެކު މި ބަލީގައި މަރުވި މީހުންގެ ޖުމުލަ އަދަދު ވަނީ 96 ކަށް އަރާފައެވެ.
ރޭ ދަންވަރު 02:38 ހާއިރު ހުޅުމާލެ މެޑިކަލް ފެސިލިޓީގައި ފަރުވާ ހޯދަމުންދިޔަ 81 އަހަރުގެ ދިވެހި ފިރިހެނަކުވެސް ވަނީ މަރުވެފައެވެ.