ދެކުނު އޭޝިޔާގެ ޤައުމުތަކުގެ ފަތުރުވެރިންނަށް ޓުއަރިސްޓް ވިސާ ދިނުން ވަގުތީ ގޮތުން މެދުކަނޑާލަން ނިންމިނިންމުމަށް ލުއި ދޭން މަސައްކަތް ކުރަމުން އަންނަކަން ޓޫރިޒަމް މިނިސްޓްރީން ހާމަކޮށްފިއެވެ.
ދެކުނު އޭޝިޔާގެ ގައުމުތަކުގެ ޓޫރިސްޓުންނަށް ޓުއަރިސްޓް ވިސާ ދިނުން ވަގުތީ ގޮތުން މެދުކަނޑާލަން އެޗްޕީއޭ އިން ނިންމީ ދެކުނު އޭޝިޔާގެ ގައުމުތަކުގައި ކޮވިޑް-19 ފެތުރޭ މިންވަރު އިތުރުވަމުން އައުމާ ގުޅިގެންނެވެ.
ޓޫރިޒަމް މިނިސްޓްރީން ކުރި ޓްވީޓެއްގައި ބުނެފައިވަނީ ވަގުތީގޮތުން އަޅާފައިވާ ފިޔަވަޅު މި މަސް ނިމުމުގެ ކުރިން ރިވިއު ކުރާނެ ކަމަށެވެ. އަދި ޖޫން މަހުގެ ކުރީ ކޮޅު ދެކުނު އޭޝިއާގެ ފަތުރުވެރިންނަށް ލުއި ދިނުމަށް މަސައްކަތް ކުރަމުން އަންނަ ކަމަށް ޓޫރިޒަމް މިނިސްޓްރީން ބުނެފައިވެއެވެ.
Before the end of this month #Maldives will review the temporary suspension of tourist visas for those travelling from South Asian countries. We are optmistic of easing the temporary restrictions in early June. https://t.co/hV8vAGGYrk
— Ministry of Tourism (@MoTmv) May 17, 2021
ރާއްޖޭގައިވެސް ކޮވިޑްގެ ހާލަތު ގޯސްވަމުން އަންނައިރު މިވަގުތުވެސް ޕޮޒިޓިވްކޮށް 15،958 މީހުން އެބަތިއްބެވެ. ކޮވިޑް-19 ގައި މަރުވި މީހުންގެ އަދަދު ވަނީ 100 އަށް އަރާފައެވެ. އަދި ހޮސްޕިޓަލުގައި އެޑްމިޓް ކޮށްގެން ފަރުވާދޭ މީހުންގެ އަދަދު ވަނީ 262 ކަށް އަރާފައެވެ.