ކޮވިޑަށް ފަރުވާ ދެމުން ދިޔަ 77 އަހަރުގެ މީހަކު މަރުވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ހުޅުމާލެ ކޮވިޑު ފެސިލިޓީގައި ފަރުވާ ދެމުން ދިޔަ 77 އަހަރުގެ ދިވެހި ފިރިހެނަކު ރޭ ފަތިހު 4:06 ގައި ނިޔާވެފައިވާ ކަމަށެވެ. މިއީ މި ބަލީގައި ރާއްޖެއިން މަރުވި 117 ވަނަ މީހާއެވެ. އަދި މިއަދުގެ ފުރަތަމަ މީހާއެވެ.
ކޮވިޑުގައި މަރުވާ މީހުންގެ އަދަދު މިވަނީ މިމަހު ރިކޯޑު އަދަދަކަށް އިތުރު ވެފައެވެ. އެގޮތުން މި ދިޔަ ދެ ދުވަހު 10 އަށް ވުރެ ގިނަ މީހުން ވަނީ ކޮވިޑުގައި މަރުވެފައެވެ.