ކޮވިޑަށް ފަރުވާ ދެމުން ދަނިކޮށް ރޭ ނިޔާވި އުމުރުން 10 އަހަރުގެ ފާތިމަތު މިޝްކާ މުހައްމަދު ނިޔާވި މައްސަލަ ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް)އިން ބަލާނެ ކަމަށް އެ ކޮމިޝަނުން ބުނެފިއެވެ.
މިޝްކާގެ މަރާ ގުޅިގެން އެޗްއާރްސީއެމުން ބުނެފައިވަނީ ކޮވިޑް-19 ގެ މި ހާލަތުގައި ސިއްޙީ ފަރާތްތަކުން ދެއްވަންޖެހޭ ފަރުވާ ވީހާވެސް އަވަހަކަށް ދެއްވުމަށް މަސައްކަތް ކުރެއްވުމަށް އިލްތިމާސް ކުރާ ކަމަށެވެ.
އަދި ބަލިމީހާއަށް ލިބެންޖެހޭ ޚިދުމަތް އަވަސްމިނެއްގައި ފޯރުކޮށް ނުދެވިގެން ފުރާނައެއް ނެތިދިއުން އެޗްއާރްސީއެމުން ކުށްވެރިކުރާ ކަމަށް ބުނެފައިވެއެވެ. އަދި މިކަން ހިިނގާފައިވާގޮތް ބަލާނެ ކަމަށް ވެސް އެޗްއާރްސީއެމުން ބުނެފައިވެއެވެ.
ދެއްވުމަށް މަސައްކަތް ކުރެއްވުމަށް އިލްތިމާސް ކުރަމެވެ.
ބަލިމީހާއަށް ލިބެންޖެހޭ ޚިދުމަތް އަވަސްމިނެއްގައި ފޯރުކޮށް ނުދެވިގެން ފުރާނައެއް ނެތިދިއުން މި ކޮމިޝަނުން ކުށްވެރި ކުރަމެވެ.
މިކަން ހިނގާފައިވާ ގޮތް މި ކޮމިޝަނުން ބަލާނެ ވާހަކަ ދަންނަވަމެވެ.
2/2— HRC of the Maldives (@hrcmv) June 2, 2021
ކޮވިޑް-19 ގައި ރާއްޖެއިން މިހާތަނަށް ނިޔާވި އެންމެ ކުޑަ ކުއްޖާ ރޭގައި ނިޔާވެފައިވާއިރު، އެ ކުއްޖާގެ ހާލު ބޮޑުވެ އެމްބިއުލަންސްއަށް ގުޅައިގެން އައިސްފައިވަނީ ގާތްގަނޑަކަށް ތިން ގަޑިއިރު ފަހުން ކަމަށް އާއިލާއިން މައުލޫމާތުދެއެވެ. އަދި އެ މައްސަލަ ހެލްތް މިނިސްޓްރީން އަންނަނީ ބަލަމުންނެވެ.