ކޮވިޑް-19 އާ ދެކޮޅަށް ކުރަމުން އަންނަ މަސައްކަތުގައި ކުއްލި ހާލަތްތަކުގައި ބޭނުންކުރާނެ ސިއްހީ ސާމާނު އެމެރިކާއިން ރާއްޖެއަށް ފޯރުކޮށްދިނުމަށް ނިންމައިފިއެވެ.
މިކަން ހާމަކޮށްފައިވަނީ އެމެރިކާގެ ސެކެޓްރީ އޮފް ސްޓޭޓް އެންތަނީ ބްލިންކެން ކުރެއްވި ޓުވީޓެއްގައެވެ.
އޭނާ ކުރެއްވި ޓްވީޓްގައި ވިދާޅުވެފައިވަނީ، ކޮވިޑް-19ގެ ބަލިމަޑުކަމުން އަރައިގަތުމަށް ދެކުނު އޭޝިއާ ސަރަހައްދުގެ ޤައުމުތަކުން ކުރާ މަސައްކަތުގައި އެމެރިކާއިން އެހީތެރިކަން ފޯރުކޮށްދެމުންދާކަމަށެވެ.
އެގޮތުން ބަލިމަޑުކަމުގެ ސަބަބުން ޤައުމުތަކަށް ކުރާ ނޭދެވޭ އަސަރުތައް ވީހާވެސް ކުޑަކުރުމަށް އެ ޤައުމުން މަސައްކަތް ކުރަމުންދާކަމަށާއި އެގޮތުން ކުރަމުންދާ މަސައްކަތުގެ ދަށުން ޔޫއެސް އެއިޑްގެ އެހީގެ ދަށުން ދިވެހިރާއްޖެ، ޕާކިސްތާން އަދި ސްރީލަންކާއަށް ދޭ އެހީގެ ސާމާނާއެކު މިއަދު ފްލައިޓެއް ފުރާނެކަމަށެވެ.
The U.S. continues to support South Asia in responding to the COVID-19 crisis, and we are working non-stop to help manage the devastating effects of the pandemic. Today we're dispatching an airlift of emergency medical supplies from @USAID to Maldives, Pakistan, and Sri Lanka.
— Secretary Antony Blinken (@SecBlinken) June 3, 2021
ރާއްޖެއިން ކޮވިޑް-19 އާ ދެކޮޅަށް ކުރަމުން އަންނަ މަސައްކަތުގައި މީގެ ކުރިންވެސް އެމެރިކާއިން އެހީތެރިކަން ފޯރުކޮށްދީފައިވެއެވެ.