ރާއްޖޭގެ ކުދި އަދި މެދު ފަންތީގެ ވިޔަފާރިތަކަށް ސްޓިމިއުލަސް ޕެކޭޖް ތަކެއް ތައާރަފް ކުރުމުގެ މަސައްކަތް ކުރަމުން އަންނަކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެއެވެ.
މިނިސްޓަރު ފައްޔާޒް ކުރެއްވި ޓްވީޓެއްގައި ވިދާޅުވެފައިވަނީ، ޖިމްތަކާއި، ސެލޫންތަކާއި، ކެފޭތަކާއި ރެސްޓޯރަންޓްތަކުގެ އިތުރުން އެހެނިހެން ކުދި ވިޔަފާރިތަކަށް އެހީތެރިކަން ފޯރުކޮށްދިނުމަށް ސްޓިމިއުލަސް ޕެކޭޖެއް ތައްޔާރު ކުރުމުގެ މަސައްކަތް ކުރަމުން އަންނަކަމަށެވެ.
އެ ޕެކޭޖް ތައާރަފް ކުރުމުގެ މަސައްކަތް ލަސްވެގެން ދިޔައީ މިނިސްޓްރީގެ ޓީމްގެ ގިނަ މުވައްޒަފުންތަކެއް ކޮވިޑް-19 އަށް ޕޮޒިޓިވް ވުމުން ކަމަށާއި، އެހެންނަމަވެސް އެ ޕެކޭޖް ވަރަށް އަވަހަށް ތައާރަފް ކުރައްވާނެ ކަމަށެވެ.
We have been working on a development assistance stimulus for smes especially gyms, saloons, cafes restaurants and more. Unfortunately due to many in our team coming down with Covid this is taking more time. Insha allah very soon.
— Fayyaz Ismail (@faya_i) June 2, 2021
ކޮވިޑް-19 އާ ގުޅިގެން އަޅާފައިވާ ފިޔަވަޅުތަކުގެ ސަބަބުން ކުދި އަދި މެދުފަންތީގެ ވިޔަފާރިތައް އަނެއްކާވެސް ވަނީ ވަރަށް ބޮޑަށް ހީނަރުވެފައެވެ. މީގެ ކުރިންވެސް ކޮވިޑާ ގުޅިގެން އެޅި ފިޔަވަޅުތަކުން ވިޔަފާރިތަކަށް ލިބުނު ގެއްލުމުން އަރައިގަތުމަށް އެސްއެމްއީ ބޭންކް މެދުވެރިކޮށް ވަނީ ވިޔަފާރިތަކަށް ހާއްސަ ޕެކޭޖްތަކެއް ހަމަޖައްސާފައެވެ.