ރައްޔިތުންގެ ބާރު ދެއްކުމުގެ ކުރިން އިސްތިއުފާ ދެއްވުމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ހެލްތް މިނިސްޓަރު އަހުމަދު ނަސީމަށް ގޮވާލައްވައިފިއެވެ.
ޖަމީލް މިފަދައިން ވިދާޅުވެ ޓްވީޓް ކުރައްވާފައިވަނީ ކޮވިޑް-19 ގައި ރާއްޖެއިން މިހާތަނަށް މަރުވި އެންމެ ކުޑަ ކުއްޖާގެ މަރުގެ މައްސަލައިގައި ކުރެއްވި ޓްވީޓެއްގައެވެ.
އެގޮތުން ޖަމީލް ވިދާޅުވެފައިވަނީ ކޮވިޑްގެ ހާލަތު ގޯސްވި އިރު ވެންޓިލޭޓަރު ނުގެނެވޭ ކަމަށާއި، ފެސިލިޓީތައް އިތުރު ނުކުރެވޭ ކަމަށެވެ. އަދި އެމްބިއުލަންސް ވެސް އިތުރު ނުކުރެވުނު ކަމަށާއި، އަތޮޅު ތެރޭގައި ބައްޔަށް ޓެސްޓް ކުރުންވެސް އިތުރު ނުކުރެވުނު ކަމަށެވެ.
މިކަމުގެ ތެރެއިން އިތުރީ ސަރުކާރުގެ ހަރަދު އެކަނި ކަމަށާއި، ރައްޔިތުންގެ ބާރު ދެއްކުމުގެ ކުރިން މިނިސްޓަރު ނަސީމް މަގާމުން އިސްތިއުފާ ދެއްވަންޖެހޭ ކަމަށް ޖަމީލްގެ ޓްވީޓްގައިވެއެވެ.
ވަޒީރު އަދިވެސް ހޭނުލައްވާ.
ވެންޓިލޭޓަރ ނުގެނެވުނު.
ކޮވިޑް ފެސިލިޓީ އިތުރެއްނުވި.
އެމްބިއުލަންސް އިތުރެއްނުވި.
އަތޮޅުތެރޭގައި ޓެސްޓްކުރުން އިތުރެއްނުވި.އިތުރުވީ ސަރުކާރުން ކުރާ ޚަރަދު.
އިތުރުވީ މިނިސްޓަރގެ އުމުރު.
ރައްޔިތުންގެ ބާރު ދެއްކުމުގެ ކުރިން އިސްތިޢުފާ ދެއްވާ. pic.twitter.com/gA3voslJoQ— Mohamed Jameel Ahmed (@MJameelAhmed) June 3, 2021
10 އަހަރުގެ މިޝްކާގެ މަރާއި ގުޅިގެން އެމްބިއުލަންސް ފޮނުވުމުގައި ލަސްވި މައްސަލަ ހެލްތް މިނިސްޓްރީން އަންނަނީ ބަލަމުންނެވެ. މިނިސްޓްރު ނަސީމް ވިދާޅުވެފައިވަނީ އެ މަރު ހިނގުމުގައި އިހުމާލު ވެފައިވާކަމަށެވެ.
މި މައްސަލައިގައި ގިނަ ބަޔަކު ސަރުކާރަށް ފާޑުކިޔަމުން އަންނައިރު، އިދިކޮޅު ޕީޕީއެމް ޕީއެންސީ ކޯލިޝަނުން ވަނީ މިނިސްޓަރު ނަސީމު އިސްތިއުފާ ދިނުމަށްވެސް ގޮވާލާފައެވެ.