ތިލަފުށިން އަރަމުންދާ ވިހަ ދުމުން މާލޭ ރައްޔިތުން އަދިވެސް ސަލާމަތްކޮށް ނުދެވޭ ކަމަށް ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް ވިދާޅުވެއްޖެއެވެ.
މަލީހް މިފަދައިން ވިދާޅުވެފައިވަނީ ދުނިޔޭގެ ތިމާވެށިގެ ދުވަހާ ގުޅިގެން ކުރެއްވި ޓްވީޓެއްގައެވެ.
އެގޮތުން މަލީހް ވިދާޅުވެފައިވަނީ ތިލަފުށިން އަރަމުންދާ ވިހަ ދުމުން މާލޭ ރައްޔިތުން އަދިވެސް ސަލާމަތްކޮށް ނުދެވޭ ކަމަށެވެ.
ގްރީން ފަންޑުގައި ބިލިއަނަކާ ގާތްކުރާ ފައިސާ އެބަހުރި ކަމަށާއި، ގްރީސް ޓެކްސް ތައާރަފުކުރުމުގެ މައިގަނޑު ބޭނުމަކީ ތިލަފުށި ކުނީގެ މައްސަލަ ހައްލުކުރުން ކަމަސްވެސް ވިދާޅުވެފައިވެއެވެ.
ދުނިޔޭގެ ތިމާވެށީގެ ދުވަސް މިއަދު ފާހަގަ ކުރަމުންދާއިރު ތިލަފުށިން އަރަމުންދާ ވިހަ ދުމުން މާލޭ ރައްޔިތުން އަދިވެސް ސަލާމަތްކޮށް ނުދެވޭ. ގްރީން ފަންޑުގައި ބިލިއަނަކާ ގާތްކުރާ ފައިސާ އެބަހުރި. ގްރީސް ޓެކްސް ތަޢާރަފުކުރުމުގެ މައިގަނޑު ބޭނުމަކީ ތިލަފުށި ކުނީގެ މައްސަލަ ހައްލުކުރުން. pic.twitter.com/JKYkrj3ngv
— Mohamed Maleeh Jamal (@maleehjamal) June 5, 2021
އިތުބާރު ނެތްކަމަށް މަޖިލީހުން ފާސްކޮށް މަލީހް މިނިސްޓަރު ކަމުން ދުރުކުރި ފަހުން އަންނަނީ ހުއްޓުމެއް ނެތި ސަރުކާރަށާއި މަޖިލީހަށް އެކި ކަންކމުގައި ފާޑުކިޔަމުންނެވެ.