ޓެކްނިކަލް މައްސަލައެއް ދިމާވެ ރައްޔިތުންގެ މަޖިލީހުގެ މިއަދުގެ ޖަލްސާ ކެންސަލް ކޮށްފިއެވެ.
ކޮވިޑް-19 އާ ގުޅިގެން ރައްޔިތުންގެ މަޖިލީހުގެ ޖަލްސާތައް ކުރިއަށް ގެންދަމުން އަންނަނީ އޮންލައިންކޮށެވެ.
މިއަދުގެ ޖަލްސާ ފެށުމަށް ހަމަޖެހިފައި އޮތީ 10:00 ގައެވެ. މަޖިލީހުގެ އިދާރާއިން ބުނެފައިވަނީ ޖަލްސާ ފެށުން ލަސްވަނީ ޓެކްނިކަލް މައްސަލައެއް ދިމާވުމާއި ގުޅިގެން ކަމަށެވެ. އަދި މައްސަލަ ހައްލު ކުރުމަށް ގިނަ ވަގުތު ނަގާނެ ކަމަށް ބެލެވޭތީ މިއަދުގެ ޖަލްސާ ކެންސަލް ކުރީ ކަމަށެވެ.
މިއަދުގެ ޖަލްސާއަށް އޮތީ އެންވާރަމެންޓް މިނިސްޓަރު އައިޝަތު ޝައުނާއަށް ރުހުން ދިނުމުގެ މައްސަލަވެސް ތާވަލުކޮށްފައެވެ. އަދި އާމްދަނީން ޓެކްސް ނެގުމުގެ ޤާނޫނަށް އިސްލާހު ގެނައުމުގެ ބިލަށް ބަހުސް ކުރުން ވެސް އެޖެންޑާ ކޮށްފައިވެއެވެ.