އެމްޑީޕީގެ މިސްރާބަށް އަދި ދުވެެއްޔަށްވެސް ބަދަލެއް ނާންނާނެކަމަށް އެޕާޓީގެ ޗެއާޕާސަން ހަސަން ލަތީފް ވިދާޅުވެއްޖެއެވެ.
އެމްޑީޕީގެ 16 ވަނަ އަހަރީ ދުވަހާ ގުޅިގެން ކުރި ޓްވީޓެއްގައި ހަސަން ލަތީފް ވަނީ ޕާޓީގެ މެމްބަރުންނަށް މަރުހަބާ ކިޔާފައެވެ. އަދި އެމްޑީޕީ މިހާހިސާބަށް ގެނައުމަށް މަސައްކަތް ކުރެއްވި ހުރިހާ ފަރާތްތަކަށް ޝުކުރު އަދާކޮށްފައިވެސްވެއެވެ.
މީގެ އިތުރުން ހަސަންގެ ޓްވީޓްގައި ބުނެފައިވަނީ، "މި އޮޑީގެ މިސްރާބަށސް އަދި ދުވެއްޔަށް"ވެސް ބަދަލެއް ނާންނާނެކަމަށެވެ.
@MDPSecretariat ge hurihaa memberunnah marhaba dhannavan. Mi Party mihaa hisaabah genes dhevvumugai eki zamaan thakugai masakkaiy kohdhevvi hurihaa beyfulhunnah varah bodah shukuriyya. Mi Odeege misraabah adhi dhuveyyah iradhakureviyya badhaleh naannaane. #kkbk #MDP16Aharu pic.twitter.com/tAZTvrQ222
— Hassan Latheef🎈 (@HassanLatheef) June 26, 2021
އެމްޑިޕގެ 16 ވަނަ އަހަރީ ދުވަސް ފާހަގަކުރުމުގެ ގޮތުން މިއަދުވަނީ ދިދަ ނެގުމުގެ ރަސްމިއްޔާތެއްވެސް ކުރިއަށްގެންގޮސްފައެވެ. އެގޮތުން އެމްޑީޕީގެ ހަރުގެ އަދި އޮފީހުގައި ދިދަ ނަގާފައިވެއެވެ.
އެމްޑީޕީން ބުނެފައިވަނީ ޖުލައި 24 ވަނަ ދުވަހުގެ ނިޔަލަށް އެޕާޓިގެ އަހަރީ ދުވަހުގެ ހަރަކާތްތައް ކުރިއަށް ގެންދާނެކަމަށެވެ.