ރާއްޖޭގައި އަންހެނުން ހިތާނު ކުރުމަށް އެއްވެސް ވަރަކަށް ޖާގަ ދީގެން ނުވާނެ ކަމަށް ކުރީގެ ފޮރިން މިނިސްޓަރު ޑރ. އަހުމަދު ޝަހީދު ވިދާޅުވެއްޖެ އެވެ.
ޝަހީދު ކުރެއްވި ޓްވީޓެެގައި ވިދާޅުވެފައިވަނީ، ދިވެހި ފަސްގަނޑުގައި "ފީމޭލް ޖެނިޓަލް މިއުޓިލޭޝަން" (އެފްޖީއެމް) އަށް އެއްވެސް ވަރަކަށް ޖާގަ ދީގެން ނުވާނެ ކަމަށެވެ.
އަދި އެކަން ޤާނޫނަކުން މުޅިން މަނާކޮށް، އަމަލީ ގޮތުން ފުހެލުމަކީ ޤާނޫނީ ޒިންމާއެއްކަމަށްވެސް ޝަހީދު ވިދާޅުވެފައިވެއެވެ.
Dhivehi fasgaduga FGM ah evves gothakah jaaga dhevigen nuvaane. Ekan qaanoonakun mulhin manaakoh amalee gothun fohelumakee thiya beyfulhun ge qaanoonee zimmaa eh @ibusolih @aishamdidi @MohamedNasheed
— Ahmed Shaheed (@ahmedshaheed) June 26, 2021
އަންހެން ކުދިން ހިތާނުކުރުމަށް ހިތްވަރުދީ ޑރ. މުހައްމަދު އިޔާޒް ޓްވީޓް ކޮށްފައިވާއިރު ރައްޔިތުންގެ މަޖިލީހަށް އެމައްސަލަ ބެލުމަށް ހުށަހަޅާފައިވެއެވެ.
އަދި އަންހެނުން ހިތާނު ކުރުމަކީ ދީން ދަންނަކަމެއް ނޫންކަމަށް ކުރީގެ ރައީސް މައުމޫން އަބްދުލްޤައްޔޫމް ވެސް ވަނީ ވިދާޅުވެފައެވެ.