ރޭ ފުލުހުން ހިންގި ހާއްސަ އޮޕަރޭޝަނެއްގައި މަސާޖް ޕާލާއެއް ރެއިޑްކޮށް ބަރަހަނާކޮސް ތިއްބައި އަތުލައިގަތް 5 މީހުންގެ ތެރޭ ސ.ހުޅުދޫ މީހަކު ހިމެނިއްޖެއެވެ.
މ. ކޮވާރިކް ގޭގެ ހަތަރުވަނަ ފަންގިފިލާގައި ހިނގާ ހާރބަލް ބިއުޓީ ސެލޫންއިން ހައްޔަރުކުރި ހުޅުދޫ މީހަކީ ފިނިވާގޭ ވަހީދުއެވެ. ވަހީދުވަނީ މީގެ ކުރިންވެސް މަސާޖު ޕާލާއަކުން "ރެޑް"ކޮށް ނަގާފައެވެ.
ރޭގެ އޮޕަރޭޝަނުގައި 5 ދިވެހިންގެ އިތުރުން ތައިލެންޑްގެ 3 އަންހެނަކު ވެސް ވަނީ ހައްޔަރުކޮށްފައެވެ.
ހާބަލް ބިއުޓީ ސެލޫނަކީ ކުރިންވެސް ހަށިވިއްކުމުގެ މައްސަލައެއްގައި ބަންދުކޮށްފައިވާ ތަނެކެވެ.