ބޯކޮށް ވާރޭ ވެހި ފޭދޫގެ ބައެއް ސަރަހައްދުތަކުގައި ފެން ބޮޑުވުމާއި ގުޅިގެން އެ ސަރަޙައްދުތަކުން އެމްއެންޑީއެފް ސަދަން އޭރިއާ އިން ފެން ހިއްކައިދީފި އެވެ.
އިއްޔެ ހެނދުނު 10:00 ހާއިރު ފެށިގެން ފެންބޮޑުވި ސަރަޙައްދުތަކުގައި ޕަމްޕް ޖައްސައިގެން ފެން ހިއްކުމުގެ މަސައްކަތް ކޮށްފައިވާއިރު ފޭދޫގެ ބައެއް މަގުތަކާއި ގޭގޭގެ ގޯތިތެރެއާއި އޮޅުތަކުގައި ބޮޑުވެފައިވާ ފެންގަނޑު ހިއްކާ ނިންމާލެވުނީ މެންދުރު ފަހު 15:00 ހާއިރު އެވެ.
މި ވިއްސާރައިގައި ފޭދޫގެ ބައެއް ސަރަޙައްދުތަކުގައި ފެންބޮޑުވުމުގެ އިތުރުން ގޭގޭގެ ގޯތިތެރެއާއި އޮޅުތަކުގައި ވަނީ ފެންބޮޑުވެ ބައެއް ގޭގޭގެ ތަކެއްޗަށް އެކިވަރުގެ ގެއްލުން ލިބިފައެވެ.