ސަރުކާރުން ވެފައިވާ ވައުދުތައް ފުއްދަމުން އަންނަކަމަށް އައްޑޫމީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ ކުރެއްވި ޓްވީޓެއްގައި ވިދާޅުވެފައިވަނީ، ވައުދުތައް ވެފައިވަނީ ފަސް އަހަރުގެ ތެރޭގައި ފުއްދުމަށްކަމަށާއި ރައީސް ސޯލިހް އެ ވައުދުތައް ފުއްދަވާނެކަމަށެވެ.
ސަރުކާރުން ވެފައިވާ ވައުދުތައް ފުއްދަމުން އަންނަކަން ފާހަގަކޮށް ރޮޒައިނާ ވިދާޅުވީ އިންޓަނެޓްގެ އަގުވެސް ހެޔޮ ކޮށްފައިވާކަމަށާއި، އަދި ދެން ހުރި ވައުދުތައްވެސް ރައީސް ސޯލިހް ފުއްދަވާނެކަމަށެވެ.
Vaudhu thah dhanee fuhdhamun. Vaudhu vee 5 aharuge dhauregge therey kohdheyne kankamah. In sha Allah Raees @ibusolih ge riyaasee vaudhu thah fuhdhavaane. Internet mivanee agu heho vefa. Shukuriyya Raees @ibusolih 👏👏👏 pic.twitter.com/p0q0NG2iaT
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) July 4, 2021
ޖުލައި އެއް ވަނަ ދުވަހުން ފެށިގެން އިންޓަނެޓްގެ އަގު ހެޔޮކޮށްފައިވާއިރު، ރެސިޑެންޝަލް އިންޓަރނެޓުގެ ޚިދުމަތުގެ އަގުތަކަށާއި ސްޕީޑަށް ސަރުކާރުން ގެނައި ބަދަލުތަކުގެ ތެރޭގައި، 5 އެމްބީޕީއެސްގެ ސްޕީޑުގައި 250ރ އަށް 30 ޖީބީ (ތްރޮޓުލް ސްޕީޑްގައި 2 އެމްބީޕީއެސް)، 15 އެމްބީޕީއެސްގެ ސްޕީޑުގައި 500ރ އަށް 100 ޖީބީ (ތްރޮޓުލް ސްޕީޑްގައި 5 އެމްބީޕީއެސް)، 25 އެމްބީޕީއެސްގެ ސްޕީޑުގައި 700ރ އަށް 200 ޖީބީ (ތްރޮޓުލް ސްޕީޑްގައި 5 އެމްބީޕީއެސް) ހިމެނެއެވެ.